ၵႂၢမ်းၼမ်း။
ဝၼ်းတီႈ 25 လိူၼ် 12 ၵလႃးၵူႈပီ ၸၢဝ်းၶရိသ်ႉတ်ၵူႈတီႈတီႈ ၸတ်းႁဵတ်းပၢင်ပွႆးဝၼ်းၵိူတ်ႇ ၸဝ်ႈယေႊသုၶရိသ်ႉတ် ၵၼ်ပဵၼ်မူၼ်ႈပဵၼ်သိူဝ်း။ ဝၼ်းၵိူတ်ႇၸဝ်ႈယေႊသုၶရိသ်ႉတ်ၼႆႉ ႁူႉၸၵ်းၵၼ်ၼႂ်းၼၢမ်းတၢင်းၵၢၼ်လုမ်ႈၾႃႉဝႃႈ- ဝၼ်းၶရိသ်ႉတ်မၢသ်ႈ(Christ mas day) ၼႆသေမၵ်းမၼ်ႈပဵၼ်ဝၼ်းလိုဝ်ႈၵၢၼ်လုမ်ႈၾႃႉ(ၸၢတ်ႈၸိုင်ႈလုမ်ႈၾႃႉ- UN) ဝၼ်းၼိုင်ႈ။
ဝၼ်းၸဝ်ႈယေႊသုၶရိသ်ႉတ်။
ပုၼ်ႈတႃႇၸၢဝ်းၶရိသ်ႉတ် ဝၼ်းၵိူတ်ႇၸဝ်ႈယေႊသုၶရိသ်ႉတ် ဝၼ်းတီႈ 25 ၼႆႉပဵၼ်ဝၼ်း လမ်ႇလွင်ႈၼၼ်ႉ ဝၼ်း ၼိုင်ႈၼႂ်းၾိင်ႈသႃသၼႃးၶရိသ်ႉတ်။ ၵွပ်ႈပဵၼ်ဝၼ်းၵိူတ်ႇၸဝ်ႈတူၼ် မုၼ်(messhiah)ၶွင်ၸၢဝ်းၶရိသ်ႉတ် ဢၼ်ပဵၼ် တူဝ်ယၢင်ႇၽူႈၸုၼ်ႉသုၼ်ႇတူဝ် လႅၵ်ႈပိူဝ်ႈ တႃႇၵူၼ်းတင်းၼမ်ၼႆၼၼ်ႉယူႇ။
ဝၼ်းၶရိသ်ႉတ်မၢသ်ႈဢိပ်း။
ၼၼ်ၵေႃႈယႃႇ ဝၼ်းဢၼ်လမ်ႇလွင်ႈပုၼ်ႈတႃႇၸၢဝ်းၶရိသ်ႉတ်ၶဝ်ၸဝ်ႈထႅင်ႈဝၼ်းၼိုင်ႈၼႆႉ ပဵၼ်ဝၼ်းတုမ်း (ဝၼ်း ၽိတ်ႈ) – ဝၼ်းၶရိသ်ႉတ်မၢသ်ႈ။ ဝၼ်းၼၼ်ႉ ၶဝ်ၸဝ်ႈႁွင်ႉဝႃႈ- ဝၼ်းၶ ရိသ်ႉတ်မၢသ်ႈဢိပ်း(Christ mas Eve)- ၸိူင်ႉ ၼႆ။ ဝၼ်းၶရိသ်ႉတ်မၢသ်ႈဢိပ်းၼႆႉ မၼ်း လမ်ႇလွင်ႈၸိူင်ႉႁိုဝ်ၼႆ ? မၼ်းပဵၼ်ဝၼ်းဢၼ်ၵူၼ်းၸၢဝ်းၶရိသ်ႉတ်ၶဝ် (ပိူင်လူင်ၵူၼ်းမီး ငိုၼ်းၶဝ်) ပိုတ်ႇထူင်ငိုၼ်း(ယေးငိုၼ်း)၊ ၵီႈႁေႃႇငိုၼ်းမတ်ႉငိုၼ်းၼႆၼၼ်ႉယူႇ။ ပိုတ်ႇႁဵတ်းသင် ? ၵီႈႁဵတ်းသင် ? ပိုတ်ႇဢဝ်ငိုၼ်း၊ ၵီႈဢဝ်ငိုၼ်းမႃးၸႅၵ်ႇယိုၼ်ႈပၼ်ၵူၼ်းၽၢၼ်၊ ၵူၼ်း တူၵ်းၵိၼ်းၼႂ်းတူင်ႇဝူင်းၵူၼ်းသေ ဢဝ်ပဵၼ်တႃၼတၢင်းတၢၼ်းလွင်ႈၵမ်ႉၸွႆႈၽဝၶဝ်ၸိူဝ်း ၽၢၼ်၊ ၸိူဝ်းတူၵ်းၵိၼ်းၸိူင်ႉၼႆ။ ၼႆႉပဵၼ်ၾိင်ႈလီၼႂ်းတူင်ႇ ဝူင်းၵူၼ်းၸၢဝ်းၶရိသ်ႉတ် ယိူင်ႈၼိုင်ႈ ဢၼ်တင်းလုမ်ႈၾႃႉလီယိူင်ႈႁဵတ်းၸွမ်း။
ၵႂၢမ်းသွၼ်ၸဝ်ႈယေႊသုၶရိသ်ႉတ်။
ၼႂ်းသႃသၼႃးၶရိသ်ႉတ်သွၼ်ဝႆႉသင် ? သွၼ်လၵ်းၵၢၼ်တႃႇၾိင်ႈၵူၼ်းၼင်ႇပႃႈတႂ်ႈၼႆႉ။
1) ႁႂ်ႈမီးၸႂ်မဵတ်ႈတႃႇၼိူဝ်ၵၼ်ၵူႈယၢမ်း
2) ႁႂ်ႈၸွႆႈထႅမ်ၵူၼ်းတူၵ်းယၢၵ်ႈယၢမ်းၶမ်ၵိၼ်း
3) ႁႂ်ႈဝႆႉၸႂ်တဵင်ႈထမ်း ဢမ်ႇလိူၵ်ႈၼႃႈတႃၸၼ်ႉၵူၼ်း
ၶွင်ၾၢၵ်ႇဝၼ်းၶရိသ်ႉတ်မၢသ်ႈ။
1) ႁႂ်ႈပဵၼ်ၵူၼ်းမေႃၼပ်ႉယမ်ပၵ်းပိူင်ၾိင်ႈၵူၼ်း
2) ႁႂ်ႈပဵၼ်ၵူၼ်းဢဝ်ၸႂ်သႂ်ႇၼႃႈၵၢၼ်ပုၼ်ႈၽွၼ်း ဢၼ်တူဝ်ၵဝ်ႇႁပ်ႉႁဵတ်းဝႆႉ
3) ႁႂ်ႈမီးၸႂ်ပိုင်ႈဢိင်ၵၼ် မိူၼ်ၵူၺ်ႈပိုင်ႈငၢမ်ႈ – ငၢမ်ႈပိုင်ႈၵူၺ်ႈ
4) ႁႂ်ႈမေႃယူႇၸွမ်းၵၼ် ၼႂ်းတူင်ႇဝူင်းၵူၼ်းလူၺ်ႈတၢင်းၵတ်းယဵၼ်
5) ႁႂ်ႈမေႃဝႆႉၽွၼ်းလီၸိူဝ်ႉၸၢတ်ႈ ဝၢၼ်ႈမိူင်းပဵၼ်ပိူင်လူင်ၼႂ်းၸူဝ်ႈပၢၼ်ၵူၼ်း
မႁႃမုင်ႉ (မိူင်းၸႄႈ)
