ၶမ်ႈဝၼ်းတီႈ 30 တင်း 31 လိူၼ်ဢေႃႊၵတ်ႊသ် ပူၼ်ႉမႃးၼႆႉ ၸုမ်းမၢၵ်ႇၼင် ၶလပ်ႉဢိင်ႇၵလၼ်ႇၶဝ် သိုပ်ႇပိတ်ႉၶႅင်ႇၵၼ် ပဵၼ်ပၢင်ထူၼ်ႈထီႉ 3 Premier League ။ ၶမ်ႈဝၼ်းတီႈ 31 ၼႆႉ မီးၸုမ်းၸိုဝ်ႈသဵင်ယႂ်ႇ Liverpool တင်း Arsenal ပိတ်ႉၶႅင်ႇၵၼ်၊ ၾၢႆႇၸုမ်း Liverpool သႂၢင်းၶဝ်ႈလႆႈ ၼိုင်ႈၵူဝ်းသေ ပေႉၵႂႃႇၸုမ်း Arsenal ယဝ်ႉ သိုပ်ႇဢဝ်ဝႆႉတီႈယူႇ မၢႆၼိုင်ႈ ဝႃႈၼႆ။
ဢၼ်ပဵၼ်ၸုမ်းၸိုဝ်ႈသဵင်ယႂ်ႇ Man City တႄႉ သုမ်းၵႂႃႇ ၸုမ်း Brighton သေ လူင်းၵႂႃႇထိုင် တီႈယူႇ မၢႆ 12 ။ ၸုမ်းမၢၵ်ႇၼင် Man City ၼႆႉ တီႈၶပ်ႉမၢႆပၢင် Premier League လႆႈပိတ်ႉၶႅင်ႇၵၼ် 3 ပၢင် သေတႃႉ တိုၵ်ႉပေႉၼိုင်ႈပၢင်ၵူၺ်းသေ သုမ်းဝႆႉ 2 ပၢင်။
ၶမ်ႈဝၼ်းတီႈ 30 ၼၼ်ႉ ၸုမ်း Chelsea သႂၢင်းၶဝ်ႈ 2 ၵူဝ်းသေ ပေႉၵႂႃႇၸုမ်း Fulham ။ ၸုမ်း Man United သႂၢင်းၶဝ်ႈ 3 ၵူဝ်းသေ ပေႉၵႂႃႇၸုမ်း Burnley ဢၼ်သႂၢင်းၶဝ်ႈ 2 ၵူဝ်း။ ၸုမ်း Tottenham သမ်ႉ သုမ်းၵၢၼ်ႉၵႂႃႇၸုမ်း Bournemouth ။
ပေႃးဝူင်ႈၼႃႈ ၶမ်ႈဝၼ်းတီႈ 14/09/2025 ၼႆႉ တေမီး ၸုမ်းမၢၵ်ႇၼင်ၸိုဝ်ႈသဵင်ယႂ်ႇ ၸုမ်း Man City တင်း Man United ၶဝ် တေပိတ်ႉၶႅင်ႇၵၼ် ဝႃႈၼႆ။
ၶပ်ႉမၢႆ ပၢင်လဵၼ်ႈၶႄႇမၢၵ်ႇၼင် Premier League ဢၼ်ၸတ်းႁဵတ်းၼႂ်းမိူင်းဢိင်ႇၵလၼ်ႇၼႆႉ မီးဝႆႉ 20 ၸုမ်းသေ တေလႆႈပိတ်ႉၶႅင်ႇၵၼ် 38 ပၢင်။ မိူၼ်ၼင်ႇ တီႈမိူင်းသပဵင်ႇ၊ ဢီႇတလီႇ၊ ၵျႃႇမၼီႇ ဢိၵ်ႇထႅင်ႈလၢႆလၢႆမိူင်းၵေႃႈ တႄႇၸတ်းပၢင်ပိတ်ႉၶႅင်ႇၵၼ်ဝႆႉယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ