လုမ်းၽွင်းတၢင် မိူင်းဢမေႊရိၵၼ်ႊ၊ မိူင်း UK လႄႈ ၼေႃႊဝုၺ်ႊ ဢွၵ်ႇလိၵ်ႈပိုၼ်ၽၢဝ်ႇ တုၵ်းယွၼ်းသိုၵ်းမၢၼ်ႈ ႁႂ်ႈပွႆႇပၼ်တေႃႇဢွင်ႇသၢၼ်းသူႉၵျီႇလႄႈ ၵူၼ်းမိူင်း ၸိူဝ်းၺႃးတီႉၺွပ်းဝႆႉ လူၺ်ႈဢမ်ႇပဵၼ်ထမ်းတြႃးၼၼ်ႉ ဝႃႈၼႆ။
ဝၼ်းတီႈ 19/06/2025 ၼႆႉ ပဵၼ်ဝၼ်းၵိူတ်ႇ တေႃႇဢွင်ႇသၢၼ်းသူႉၵျီႇ ဢႃယုၶွပ်ႈတဵမ် 80 ပီ။ ၼႂ်းၶေႃႈပိုၼ်ၽၢဝ်ႇ လုမ်းၽွင်းတၢင်ဢမေႊရိၵၼ်ႊၼၼ်ႉ တႅမ်ႈဝႆႉဝႃႈ ၽဝၸူဝ်ႈပၢၼ်လႄႈ လွင်ႈ ႁဵတ်းသၢင်ႈမၼ်းၼၢင်းၼႆႉ ပဵၼ်တႃႇလွင်ႈငမ်းယဵၼ်လႄႈ တႃႇတီႊမူဝ်ႊၶရေႊၸီႊ မိူင်းႁူမ်ႈတုမ် မၢၼ်ႈ ဝႃႈၼႆ။
ၼႂ်းဝၼ်းၵိူတ်ႇ တေႃႇဢွင်ႇသၢၼ်းသူႉၵျီႇၼႆႉ လၢႆၸိုင်ႈမိူင်း ဢိၵ်ႇပႃးၸုမ်းလုၵ်ႉၽိုၼ်ႉ ႁဵတ်းလွင်ႈမၢႆတွင်း ပိုၼ်ၽႄၶေႃႈယွၼ်းသူးဝၼ်းၵိူတ်ႇလႄႈ တၢင်ႇၶႅပ်းႁၢင်ႈမၼ်းၼၢင်း တီႈ ၼိူဝ်သိုဝ်ႇတူင်ႇဝူင်းလၢႆလၢႆသႅၼ်း။
တေႃႇဢွင်ႇသၢၼ်းသူႉၵျီႇၼႆႉ ၺႃးသိုၵ်းမၢၼ်ႈမၢပ်ႇၼႄးတီႉၺွပ်း လိူင်ႈတၢင်းၽိတ်း 19 လိူင်ႈသေ ယၢမ်းလဵဝ် ၺႃးတၢမ်ႇၶွၵ်ႇဝႆႉ 27 ပီ ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ