ၵူၼ်းUSA ၵေႃႉၼိုင်ႈ ၼႄးၵူၼ်းၶျၢင်း (ၵူၼ်းမိူင်းမၢၼ်ႈ) 3 ၵေႃႉပေႃႈလုၵ်ႈ ပဵၼ်ၵူၼ်းဢေးသျိူဝ်ႊ ၽူႈၽႄႈၸိူဝ်ႉမႅင်းၼႆသေ ၽၼ်းတႅင်းၼႃႈႁၢၼ်ႉ ၽွင်းၵႂႃႇသိုဝ်ႉၶူဝ်းၶွင်။
ဝၼ်းတီႈ 14/3/2020 ဝၼ်းၸၼ် ယၢမ်းၵၢင်ၶမ်ႈ 7 မူင်းၶိုင်ႈ( ၶၢဝ်းယၢမ်းမိူင်း ဢမေႊရိၵၼ်ႊ) ပူၼ်ႉ မႃးၼႆႉ ဢူးပူၺ်ႇၵျူင်းၼုင်း လႄႈ လုၵ်ႈၸၢႆး 2 ၵေႃႉ ၵႂႃႇသိုဝ်ႉၶူဝ်းၶွင်တၢင်းၵိၼ်တီႈ Sam’s Club ။ ၽွင်းၼၼ်ႉ မီးၵူၼ်းၼုမ်ႇၵေႃႉၼိုင်ႈ ၸိုဝ်ႈ Jose Gomez ဢႃယု 19 ပီ ၸၢဝ်း သပဵၼ်ႊ ၶဝ်ႈမႃးၼႂ်း လၢၼ်ႉသေ ဢဝ်မိတ်ႈ တႅင်းၽၼ်း ဢူးပူၺ်ႇၵျူင်းၼုင်းၶဝ်ပေႃႈလုၵ်ႈသၢမ်ၵေႃႉ။
Jose Gomez ၵေႃႉၽၼ်းတႅင်း ၶျၢင်း 3 ၵေႃႉပေႃႈလုၵ်ႈၼၼ်ႉ လၢတ်ႈတီႈပလိၵ်ႈဢၼ်တီႉၺွပ်း မၼ်းၸၢႆးၼၼ်ႉဝႃႈ “ ယွၼ်ႉပိူဝ်ႈၶဝ်သၢမ်ၵေႃႉပေႃႈလုၵ်ႈ ပဵၼ်ၵူၼ်းဢေႊသျိူဝ်ႊ ၊ ယွၼ်ႉပိူဝ်ႈၵူၼ်း ဢေႊသျိူဝ်ႊလႄႈ တၢင်းပဵၼ် ၶူဝ်ႊရူဝ်ႊၼႃႊ ဢမ်ႇၼၼ် ၶူဝ်ႊဝိတ်ႉ-19 (ဝူႊႁၢၼ်ႉ) ၸင်ႇၽႄႈတင်းလုမ်ႈၾႃႉ ” ဝႃႈၼႆ။
ၵေႃႉပဵၼ်ပေႃႈ ၺႃးၽၼ်းတီႈၼႃႈ၊ လုၵ်ႈၸၢႆးၵေႃႉယႂ်ႇၸိုဝ်ႈ ရေႃႊပတ်ႉ ၺႃးၽၼ်းတီႈ ဝႂ်ႁူတေႃႇထိုင် ၶူၼ်တႃ။ လုၵ်ႈၸၢႆးၵေႃႉလဵၵ်ႉၸိုဝ်ႈ ပၼ်ႊတေႃႉၵျူင်း ၺႃးတႅင်းတီႈလင်။ ၵူၼ်းႁဵတ်းၵၢၼ်တီႈလၢၼ်ႉ ၵေႃႉၼိုင်ႈ ဢၼ်ၶဝ်ႈၶႄၼၼ်ႉ ၺႃးၽၼ်းတီႈမိုဝ်း။
ယၢမ်းၼၼ်ႉ ပလိၵ်ႈ မိူင်းဢမေႊရိၵၼ်ႊ ၶဝ်ႈမႃးၵုမ်းၵမ်တူဝ် Jose Gomez တီႈၼႂ်းႁၢၼ်ႉၼၼ်ႉ ဝႃႈၼႆ။
ပဵၼ်ႇဢဝ်မႃးတီႈၶၢဝ်ႇ -www.cbs7.com
