ဝၼ်းတီႈ 17/06/2025 ယၢမ်းႁူဝ်ၶမ်ႈ 5 မူင်းၶိုင်ႈ လွႆၾႆးလုၵ်ႈၼိုင်ႈ ဢၼ်မီးတီႈပွတ်းဢွၵ်ႇ မိူင်းဢိၼ်ႊတူဝ်ႊၼီႊသိူဝ်ႊတႅၵ်ႇ ၽဝ်ႇတဝ်ႈပိဝ်ၶိုၼ်ႈၼိူဝ်တွင်ႉၾႃႉ တၢင်းသုင်မွၵ်ႈ 1 မိုၼ်ႇ မီႊတိူဝ်ႊ၊ ၸဝ်ႈၼႃႈတီႈ လႆႈပိုၼ်ၽၢဝ်ႇ ၶေႃႈပၼ်ၾၢင်ႉသုင်သုတ်း ဝႃႈၼႆ။
လွႆၾႆးၼၼ်ႉ မီးၸိုဝ်ႈဝႃႈ လီဝူဝ်တူဝ်ပီ လႃႊၵီႊ၊ လွႆၾႆးၼႆႉ မီးတၢင်းသုင် 1,584 မီႊတိူဝ်ႊ မီးဝႆႉတီႈၵုၼ်ၾလေႃးယႅတ်ႉ ပွတ်းဢွၵ်ႇ မိူင်းဢိၼ်ႊတူဝ်ႊၼီႊသိူဝ်ႊ။
ၼႃႈပႆႇပဵၼ်လွင်ႈလွႆၾႆးတႅၵ်ႇၼၼ်ႉၵေႃႈ ၸဝ်ႈၼႃႈတီႈ လႆႈပိုၼ်ၽၢဝ်ႇပၼ်ၾၢင်ႉဝႆႉ ၵူၼ်းယူႇၸမ် လွႆၾႆးႁႂ်ႈငိူင်ႉဝႄႈဝႆႉထႃႈ။ ဝၢႆးပဵၼ်လွင်ႈလွႆၾႆးတႅၵ်ႇယဝ်ႉ ၸဝ်ႈၼႃႈတီႈတိုၵ်းသူၼ်းပႃး ႁႂ်ႈၵူၼ်း ပိုၼ်ႉတီႈ သႂ်ႇၽႅၼ်ႇတူမ်းသူပ်းၵၼ် တႃႇႁႄႉၵင်ႈၽွင်ၾုၼ်ႇၽဝ်ႇတဝ်ႈ ဝႃႈၼႆ။
ယၢမ်းလဵဝ် ယွၼ်ႉလွႆၾႆးတႅၵ်ႇၼၼ်ႉသေ လွင်ႈမၢတ်ႇၸဵပ်းလူႉတၢႆ မီးၸိူင်ႉႁိုဝ်ဢၼ်ဝႃႈၼၼ်ႉတႄႉ ပႆႇႁၼ်ၽူႈမီးပုၼ်ႈၽွၼ်းၶဝ် ပိုၼ်ၽၢဝ်ႇပဵၼ်တၢင်းၵၢၼ် – သိုဝ်ႇၶၢဝ်ႇ mizzima ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ