ႁွင်ႈၵၢၼ်ပိုၼ်ၽၢဝ်ႇလူင်ပွင်ၸိုင်ႈ ပိုၼ်ၽၢဝ်ႇဢွၵ်ႇဝႆႉဝႃႈ ၶၢဝ်းၾူၼ်တူၵ်းထပ်းၵၼ်လၢႆဝၼ်းၼႆႉ လိၼ်ၵူၼ်ႇ တဵင် တၢင်းၼႂ်းၸႄႈဝဵင်းမၢၼ်ႈတူင်ႈ ၸိုင်ႈတႆးပွတ်းႁွင်ႇ။
သဵၼ်ႈတၢင်ႈ ဢၼ်လိၼ်ၵူၼ်ႇပၢင်းသႂ်ႇတဵင်ၼိူဝ်သဵၼ်ႈတၢင်းၼႆႉ ပဵၼ်ၼႂ်းၵႄႈမၢၼ်ႈတူင်ႈ – ဝၢၼ်ႈႁူးတူင်ႈ။ သဵၼ်ႈ တၢင်းၼႆႉ မိူဝ်ႈပီ 2013-2014 ၼၼ်ႉ လႆႈသိူဝ်ႇယၢင်ပၼ် တႃႇတၢင်းယၢဝ်း 15 လၵ်း။ ထိုင်မႃး ပီ 2015-2016 သမ်ႉ လႆႈသိုပ်ႇသိူဝ်ႇၵႂႃႇထႅင်ႈ 10 လၵ်း ႁူမ်ႈၵၼ်တင်းမူတ်း 25 လၵ်း တႄႇဢဝ် မၢၼ်ႈတူင်ႈ-ဝၢၼ်ႈႁူးတူင်ႈ- လွႆလမ်း ထိုင် ဝၢၼ်ႈၼႃးဢေႃႈ ၼႂ်းၸႄႈဝဵင်းမၢၼ်ႈတူင်ႈ ၸိုင်ႈတႆးပွတ်းႁွင်ႇ ဝႃႈၼႆ။
ၼင်ႇႁိုဝ် ၵူၼ်းမိူင်းၼႂ်းပိုၼ်ႉတီႈ ပေႃးတေၵႂႃႇမႃးလႆႈလီၼၼ်ႉ ယူႇတီႈၾၢႆႇၸဝ်ႈၼႃႈတီႈၶဝ် လႆႈဢဝ်လူတ်ႉထုၺ် လိၼ်ၵူၼ်ႇတဵင်တၢင်းၸိူဝ်းၼၼ်ႉယဝ်ႉ။ တေႃႈလဵဝ် ၵူၼ်းမိူင်းၵႂႃႇမႃး လႆႈမိူၼ်ၵဝ်ႇယဝ်ႉ ဝႃႈၼႆ။
