ဝၼ်းတီႈ 7/1/2025 ၼႆႉ တီႈၵျွင်းမုၼ်ၸဝ်ႈ ဝၢၼ်ႈၵမႃႇၵလုၼ်း ၼႂ်းၸႄႈဝဵင်းၵုၼ်းၶျၢၼ်ႇၵူင်း တိူင်းတႃႈၵုင်ႈၼၼ်ႉ ပဵၼ်လွင်ႈလၢၵ်ႇလၢႆးဢၼ်ၼိုင်ႈ ယူႇယူႇၾႆးလုၵ်ႉမႆႈ သၢင်ႇၵၢၼ်းသင်ၶၸဝ်ႈ ပဵၼ်တီႈပဵၼ်ယွမ်ႇ ဢၼ်တၢၵ်ႇဝႆႉၵေႃႈ ယူႇယူႇၵႂၼ်းဢွၵ်ႇမႃးပဵၼ်ယွမ်ႇသေ မဵၼ်ၶႅမ်ႈၾႆးမႆႈ ဝႃႈၼႆ။

ယဝ်ႉၵေႃႈ ပေႃးလူမ်းပဝ်ႇ ၾႆးလၢမ်းမႆႈၵႂၢင်ႈယႂ်ႇ။ မၢင်ၽိုၼ် မႆႈၵႂႃႇတၢင်းၵႂၢင်ႈမွၵ်ႈ 6 ၼိဝ်ႉထိုင် ၼိုင်ႈထတ်း (ၼိုင်ႈပေႇ) ၸိူဝ်းၼႆႉ။

ဢမ်ႇၵႃး ဢၼ်တၢၵ်ႇဝႆႉၵၢင်ဝၢင်းၵူၺ်း ဢၼ်မီးၼႂ်းဝတ်ႉၵျွင်း၊ ဢၼ်တူပ်ႉသေၵဵပ်းသိမ်းဝႆႉ ၼႂ်းတိူၵ်ႈၼႂ်းတူႈၵေႃႈ ယူႇယူႇၾႆးၵႂၼ်းသေ မႆႈပဵၼ်တီႈပဵၼ်ယွမ်ႇမိူၼ်ၵၼ်။ ဢမ်ႇလိူဝ်သေ ဢၼ်တိုၵ်ႉၼုင်ႈဝႆဝႆႉ ၼၼ်ႉၵေႃႈ ၾႆးလုၵ်ႉမႆႈလႄႈ ထိုင်တီႈလႆႈၼႅတ်ႈပုတ်ႈလၢႆႈပႅတ်ႈ။

ဢမ်ႇၵႃးသၢင်ႇၵၢၼ်းၵူၺ်း၊ မွၼ်ႁူဝ်၊ ၸွင်ႈ ၸိူဝ်းၼႆႉၵေႃႈ ယူႇယူႇၾႆးလုၵ်ႉမႆႈလႄႈ ၵူၼ်းဝၢၼ်ႈဢွၼ်ၵၼ် တူၵ်းၸႂ်လႂ်တိုၼ်ႇ။ ထိုင်တီႈလႆႈႁွင်ႉရူတ်ႉၵႃးၶႄၾႆး မႃးဝႆႉၼႂ်းဝတ်ႉ ဝႃႈၼႆ။

ယွၼ်ႉသင်လႄႈ ၾႆးလုၵ်ႉမႆႈ တီႈသၢင်ႈၵၢၼ်းၼႆ ၽႂ်ၵေႃႈ ဢမ်ႇႁူႉလွင်ႈႁူႉတၢင်းမၼ်းလီလီ၊ ယူႇယူႇၾႆးမႆႈ သၢင်ႇၵၢၼ်းလႄႈ ၶူဝ်းၶွင်ၸိူင်ႉၼႆၼႆႉ တႄႇပဵၼ်မႃးၸဵမ်မိူဝ်ႈဝူင်ႈပူၼ်ႉမႃးယဝ်ႉ။ ၵူၺ်းၵႃႈ မၼ်းဢမ်ႇပဵၼ်ယႂ်းၸိူင်ႉၼႆ – ၸုမ်းၸွႆႈထႅမ်တူင်ႇဝူင်းၵူၼ်း မုတိတႃႇ – လၢတ်ႈတီႈသိုဝ်ႇၶၢဝ်ႇမၢၼ်ႈ Eleven Media ၼင်ႇၼႆ။