ၾူၼ်တူၵ်းႁႅင်း ၼမ်ႉႁူၺ်ႈၼမ်ႉလွႆၼွင်းထူမ်ႈလႄႈ ဝၼ်းတီႈ 4 လိူၼ်ၼႆႉ ၼမ်ႉၼွင်တႅၵ်ႇ ၼမ်ႉထူမ်ႈ သဵၼ်ႈတၢင်းၶူဝ်လႄႈ တူင်ႈႁႆႈတူင်ႈၼႃး တၢင်းၼွၵ်ႈဝဵင်းၶျီႊထရႄႊ ၸႄႈမိူင်းၶျီႊပႃႊပတ်ႉသ် တူင်ႊၶႂႃႊ ၸိုင်ႈမိူင်းပႃႊၵိတ်ႉသ်ထၢၼ်ႊ။
ၼမ်ႉယႂ်ႇထွင်းလေႃႈပုင်ႈထူမ်ႈၸွမ်းၵႄႈလွႆ သျီႊသျီႊၶူဝ်ႊလႄႈ ၸွမ်းသဵၼ်ႈတၢင်းရူတ်ႉၵႃး ႁဵတ်းႁႂ်ႈၵူၼ်း မိူင်းဢမ်ႇၸၢင်ႈၵႂႃႇမႃးၵႃႉၶၢႆ ပဵၼ်ဢၼ်ယၢပ်ႇၽိုတ်ႇ။
ၼမ်ႉထူမ်ႈၵမ်းၼႆႉ ႁဵတ်းႁႂ်ႈတုမ်ႉတိူဝ်ႉပႃး သူၼ်ႁႆႈၼႃးၵူၼ်းမိူင်း၊ ႁွင်ႈၼမ်ႉ မိူင်ၼမ်ႉတႃႇၽုၵ်ႇသွမ်ႈ၊ တေႃႈလွတ်ႇၼမ်ႉမၼ်းလႄႈ ၵႅတ်ႉသ် ဢိၵ်ႇပႃးတင်း ႁူင်းၸၢၵ်ႈၾႆးၾႃႉ ၸိူဝ်းၼႆႉ ၵိုတ်းၶၢတ်ႇလူႉၵွႆၵႂႃႇ တင်းၼမ်။
လူမ်းမုၼ်ႊသုၼ်ႊ တႄႇပတ်ႉၶဝ်ႈမိူင်းပႃႊၵိတ်ႉသထၢၼ်ႊ ႁဵတ်းႁႂ်ႈၼမ်ႉထူမ်ႈလိၼ်ၵူၼ်ႇ ၼႂ်းၶၢဝ်းတၢင်း 2 ဝူင်ႈၼႆႉ ၵူၼ်းတၢႆ 30 ပၢႆယဝ်ႉ။ ၼႂ်းၼၼ်ႉ ပႃးလုၵ်ႈဢွၼ်ႇ 10 ပၢႆ။
တီႈမိူင်းဢိၼ်ႊတီႊယႃႊၵေႃႈ ၼမ်ႉထူမ်ႈလႄႈ ၵူၼ်းတၢႆ 195 ၵေႃႉ ႁၢႆဝႆႉ မွၵ်ႈ 200 ၵေႃႉ – ၶၢဝ်ႇရၢႆႊထိူဝ်ႊ ႁၢႆးငၢၼ်းဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ