သိုၵ်းမၢၼ်ႈ ၵုမ်းပိၵ်ႉဝႆႉၼမ်ႉတီႈၾၢႆမိူင်းပၢႆး ၼႂ်းၸႄႈဝဵင်းၾၢႆၶုၼ်သေ ႁဵတ်းႁႂ်ႈၵူၼ်းမိူင်းဢမ်ႇမီး ၼမ်ႉၸႂ်ႉၼႂ်းၵၢၼ် ၽုၵ်ႇသွမ်ႈၶဝ်ႈၼႃး ၵမ်ႈၽွင်ႈ လႆႈလႅၵ်ႈၽုၵ်ႇၶဝ်ႈၵၢပ်ႇတႅၼ်းဢဝ်လႄႈ ၵူၼ်းမိူင်းမႆႈၸႂ်ဝႃႈ ၵႃႈၶၼ်ၶဝ်ႈသၢၼ် တေပုင်ႈ ၶိုၼ်ႈသုင်ထႅင်ႈႁိုဝ်ၼႆယူႇ – ၸဝ်ႈၼႃးလၢတ်ႈ။
ၾၢႆႇၼိုင်ႈ သိုၵ်းမၢၼ်ႈဢမ်ႇပွႆႇၼမ်ႉၾၢႆလႄႈ မွၵ်ႇၽၵ်းတူပ်းဢိၵ်ႇတင်း ယုၵ်းယၢၵ်းၶၢင်ႉၶမ်တီႈႁူးၼမ်ႉလႆ၊ ၼမ်ႉယိုင်ႈ ၶိုၼ်ႈသေ ၶဝ်ႈၼႂ်းဝၢၼ်ႈၼႂ်းသူၼ် ၸိူဝ်းမီးၾၢႆႇၼိူဝ်ၾၢႆ။ လုၵ်ႈဢွၼ်ႇၼႂ်းဝၢၼ်ႈ ၵႂႃႇႁူင်းႁဵၼ်းယၢပ်ႇ ၵူၼ်းဝၢၼ်ႈၵေႃႈ ယၢပ်ႇၽိုတ်ႇ တႃႇၵႂႃႇႁဵတ်းၵၢၼ်ၸွမ်းဝၢၼ်ႈၸွမ်းသူၼ်။
ၵူႈပွၵ်ႈ ၵူၼ်းဝၢၼ်ႈၶီႇႁိူဝ်းၸႂ်ႉ ၶၢဝ်းတၢင်းၼမ်ႉ ၵႂႃႇမႃးတႂ်ႈၶူဝ်မေႃႇပီႇ။ ဝၢႆးလင် သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းမႃးၼႆႉ ႁၢမ်ႈပိၵ်ႉဢမ်ႇပၼ်ၵူၼ်းမိူင်းၵႂႃႇမႃး။ ၵူၺ်းၵႃႈ ပေႃးပဵၼ်ၵူၼ်းႁူႉၸၵ်း ၸမ်ၸႂ်တင်းတပ်ႉသိုၵ်းတႄႉ ၵႂႃႇမႃးလႆႈယူႇ – သိုဝ်ႇၶၢဝ်ႇတီႈၶမ်းသႃးငဝ်း ပိုၼ်ၽၢဝ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ