ၵူၼ်းမိူင်းဢီႊရၼ်ႊ ၸတ်းပၢင်ၸႃႇပၼ ပၼ်ၸွမ်ၸိုင်ႈၶဝ် ဢၼ်တူၵ်းတၢႆၸွမ်းၶိူင်ႈမိၼ်၊ ၵူၼ်းမိူင်း မႃး ၶဝ်ႈႁူမ်ႈၼပ်ႉႁူဝ်ႁဵင်။
ၸွမ်ၸိုင်ႈမိူင်းဢီႊရၼ်ႊ Ebrahim Raisi ဢီႊပရႃႊႁိမ်ႊ ရႃႊဢီႊသီႊ ဢႃယု 63 ပီ ဢၼ်ၶီႇၶိူင်ႈမိၼ် ဢွၵ်ႇၶၢဝ်းတၢင်းၵႂႃႇ ၸႄႈမိူင်းဢသႃႊပၢႆႊ(ဢွၵ်ႇ) ၸွမ်းၵၼ်တင်း ၽွင်းလူင်ၾၢႆႇၼွၵ်ႈမိူင်း Hossein Amirabdollahian ၼၼ်ႉ ၶိူင်ႈမိၼ်တူၵ်း မိူဝ်ႈဝၼ်းတီႈ 19/05/2024 ၼိူဝ်ၶိူင်ႈမိၼ်ၼၼ်ႉ ပႃးၵႂႃႇ 6 ၵေႃႉ လႆႈလူႉတၢႆမူတ်း။
တူဝ်တၢႆၸွမ်ၸိုင်ႈၼၼ်ႉ ၵူၼ်းမိူင်းၶိုၼ်းဢဝ်မႃးႁဵတ်းပၢင်ၸႃႇပၼ သၢင်းၵဵဝ်ႇတီႈ ၵျွင်းၽြႃးပလီႊ ဢိမ်ႊမႅမ်ႊရေႊ ၸႃႊ ဢၼ်မီးတီႈဝဵင်းမႅတ်ႉသျ်ႁႅတ်ႉ မိူဝ်ႈဝၼ်းတီႈ 23/05/2024။ ၵူၼ်းမိူင်းပိုၼ်ႉတီႈ ၼပ်ႉႁူဝ်ႁဵင် သႂ်ႇသိူဝ်ႈၶူဝ်းသီလမ် ထုပ်ႉဢူၵ်းႁွင်ႉႁႆႈသေ ၸွမ်းသူင်ႇၶၢပ်ႈတူဝ်။
ယၢမ်းလဵဝ်တႄႉ ၵူၼ်းမိူင်းယုၵ်ႉၵႅမ်ၸွမ်ၸိုင်ႈ Mohammad Mokhber ၼၼ်ႉ ၶိုၼ်ႈပဵၼ် ၸွမ်ၸိုင်ႈ ၸူဝ်ႈၶၢဝ်းဝႆႉသေ ပေႃးထိုင်မႃးဝၼ်းတီႈ 28 လိူၼ်ၵျုၼ်ႊ ၸင်ႇတေၸတ်းပၢင်လိူၵ်ႈတင်ႈၸွမ်ၸိုင်ႈ မိူင်းဢီႊရၼ်ႊ ၵေႃႉမႂ်ႇ ဝႃႈၼႆ။
ဢၢင်ႈဢိင် – VOA
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ