ထိုင်
ၸုမ်းၶၢဝ်ႇၽူႈတွႆႇႁွၵ်ႈ (ပၢင်လူင်)
07/04/2015
ၶူဝ်ၼမ်ႉမႃႉ ဢၼ်မီးၼိူဝ် သဵၼ်ႈတၢင်းမိူင်းႁူမ်ႈတုမ် တီႈဝၢၼ်ႈၵုၼ်လူင် ဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ ၼႆႉလႆႈလူႉၵွႆမႃးၶၢဝ်းတၢင်းၼိုင်ႈလိူၼ်ယဝ်ႉ ၽူႈမီးပုၼ်ႈၽွၼ်းၶဝ်ပႆႇမႃး မႄးပၼ်ႁဝ်းၶႃႈ။
ၶူဝ်ၼမ်ႉမႃႉ ဢၼ်မီးၼိူဝ် သဵၼ်ႈတၢင်းမိူင်းႁူမ်ႈတုမ် တီႈဝၢၼ်ႈၵုၼ်လူင် ဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ ၼႆႉလႆႈလူႉၵွႆမႃးၶၢဝ်းတၢင်းၼိုင်ႈလိူၼ်ယဝ်ႉ ၽူႈမီးပုၼ်ႈၽွၼ်းၶဝ်ပႆႇမႃး မႄးပၼ်ႁဝ်းၶႃႈ။
ပႅၼ်ႈသိူဝ်ႇၽင်ႉမူတ်း ၼႂ်းၵၢင်ၶူဝ် ပဵၼ်ဝႆႉႁူးပွင်ႇ လႄႈၸၢင်ႈပဵၼ်ၽေး တႃႇၵူၼ်းမိူင်း ၵႂႃႇမႃး ။
ၶူဝ် ၼမ်ႉမႃႉၼႆႉ ပဵၼ်ၶူဝ်ဢၼ်လမ်ႇလွင်ႈတႃႇ ၵူၼ်းမိူင်းဢၼ်လႆႈလတ်းၵႂႃႇမႃးႁႃၵၼ်၊ တႃႇၵႂႃႇ လိုဝ်ႈႁိူဝ်ႉ လိုဝ်ႈၸႂ် ၵႂႃႇဢၢပ်ႇၼမ်ႉဢုၼ်ႇ ၊ ၵႂႃႇႁူင်းၸၢၵ်ႈၾႆးၾႃႉၼမ်ႉမၢဝ်း လႄႈၵႂႃႇတၢင်းမိူင်းၶၢင် ၸိူဝ်းၼႆႉ။
ၶူဝ်ၼမ်ႉမႃႉၼႆႉ လႆႈႁဵတ်းသၢင်ႈမႃး မိူဝ်ႈပူၼ်ႉမႃးၶၢဝ်းတၢင်း (100)ပီ ပၢၼ် ဢိင်းၵလဵတ်ႈ။ ပဵၼ်တႃႇၸႂ်ႉၵၢၼ် သိုၵ်းၵႂႃႇမႃး ၸူဝ်ႈၶၢဝ်းၵူၺ်းသေတႃႉ ၶူဝ်ဢၼ်ၼႆႉ လမ်ႇလွင်ႈတွၼ်ႈတႃႇ ၵူၼ်းမိူင်းႁဝ်းတႄႉတႄႉ ၶႃႈဢေႃႈ။
ယွၼ်ႉပိူဝ်ႈၼၼ် ၶႂ်ႈႁႂ်ႈၽူႈမီးပုၼ်ႈၽွၼ်းၶဝ် မႃးမႄးပၼ် ၶူဝ်ၼမ်ႉမႃႉ ဝႆးဝႆးလႄႈ ၸင်ႇလႆႈယိုၼ်ႈလိၵ်ႈထိုင် ၸုမ်းၶၢဝ်ႇၽူႈတွႆႇႁွၵ်ႈ တီႈၶႃႈဢေႃႈ။
ၵေႃႉတႅမ်ႈသူင်ႇ – ပီႈၼွင်ႉၼမ်ႉပူင်ႇ
