Friday, March 29, 2024

ၵူၼ်းတိတ်းၸိူဝ်ႉမႅင်း တၢင်းပဵၼ်ၶႆႈဝတ်း H1N1 ပီၼႆႉ ပတ်ႉပိုၼ်ႉမိူင်းႁူမ်ႈတုမ် မီး 400 ပၢႆတၢႆယဝ်ႉ 30 ၵေႃႉ

Must read

တၢင်းပဵၼ်ၶႆႈဝတ်း H1N1 ၽႄႈလၢမ်းၼႂ်းမိူင်းမၢၼ်ႈ ။ ၶၢဝ်းႁူဝ်ၾူၼ်ပီၼႆႉ ၵူၼ်းပဵၼ်ၼမ် ၵူၼ်းတၢႆၼမ် ။ မီး 30 ၵေႃႉယဝ်ႉဝႃႈၼႆ။

- Subscription -

တေႃႇထိုင်ဝၼ်းတီႈ 5 လိူၼ်ၵျူႊလၢႆႊၼႆႉ ၾၢႆႇပၢႆးယူႇလီ မိူင်းႁူမ်ႈတုမ်ပတ်းပိုၼ်ႉ လႆႈၵူတ်ႇထတ်းႁၼ်မႅၼ်ႈ ၽူႈမီးၸိူဝ်ႉမႅင်း H1N1 မီးယူႇ 400 ပၢႆသေ ဢၼ်လႆႈလုတၢႆယဝ်ႉၵႂႃႇမီး 30 ၵေႃႉယဝ်ႉဝႃႈၼႆ။

ၵူၼ်းၸိူဝ်းလုတၢႆၵႂႃႇၼႆႉ ပဵၼ်ၵူၼ်းပဵၼ်ၼႂ်းၸေႈတိူင်း တႃႈၵုင်ႈ၊ တိူင်းၼမ်ႉၵဵဝ်၊ တိူင်းၸေႈၵႅင်း၊ ၸေႈမိူင်းမွၼ်း ၸိူဝ်းၼႆႉ ၼႆ ႁွင်ႈၵၢၼ်ၽွင်းလူင်ၾၢႆႇလဵၼ်ႈဢဵၼ်ႁႅင်းလႄႈၾၢႆႇပၢႆးယူႇလီလၢတ်ႈ။

ၸိူဝ်ႉမႅင်းတၢင်းပဵၼ် ဢၼ်တေၸၢင်ႈၽႄႈၼမ်ၼႆႉပဵၼ် ဝဵင်းယႂ်ႇဝဵင်းလူင် တီႈၵူၼ်းယူႇၼမ် မိူၼ်ၼင်ႇ ဝဵင်းလူင်တႃႈၵုင်ႈ ဝဵင်းလိူဝ်ႇ တိူင်းၼမ်ႉၵဵဝ် တီႈဢၼ် ၾၢႆႇပူၵ်းပွင်ပၢႆးယူႇလီ ႁႅင်းဢႄႇ ၸိူဝ်းၼႆႉလႄႈ ၼႂ်းၶၢဝ်းၾူၼ်ၼႆႉထုၵ်ႇလီဝႄႈတီႈဢၼ်ၵူၼ်းၼမ် ၵူၼ်းၵိုၼ်းယူႇၽွင်ႈဝႃႈၼႆ။

မေႃယႃလူင် တၢင်းပဵၼ်ၵူႈလွင်ႈလွင်ႈ ႁူင်းယႃလူင်တႃႈၵုင်ႈ ဢူးမူဝ်းဢွင်ႇၵျေႃႇၼႅင်ႇ လၢတ်ႈဝႃႈ – “ထုၵ်ႇလီသမ်းယႃႈၵႅတ်ႇၵင်ႈတၢင်းပဵၼ်  သမ်းၶဵမ်ႁႃႉ ၵိၼ်ယႃႁႃႉ ၸိူဝ်းၼႆႉထုၵ်ႇလီႈၵႂႃႇႁူင်းယႃတီႈဝဵင်းၽႂ်မၼ်းသေ တွင်ႈထၢမ် ဢဝ်တင်းၶႆႈၸႂ်မေႃယႃ ။ ယွၼ်ႉဝႃႈ မၼ်းတေဢိင်ၼိူဝ်ႁႅင်းၵမ်ႉတူဝ် ၵူၼ်းသေ ထုၵ်ႇလီသမ်းၶဵမ်ႁႄႉဝႆႉယူႇႁ ဢမ်ႇထုၵ်ႇလီသမ်းႁ ၼႆ။ဢၼ်ထုၵ်ႇလီသမ်းၶဵမ် ဝၵ်ႉသိၼ်း (ၵႃႇၵွႆႇသေး) တႄႉၵေႃႈမိူၼ်ၼင်ႇ ၵူၼ်းတိတ်းၸပ်းတၢင်းပဵၼ် ဢႆမွင်ၶေႃႈ၊ တၢင်းပဵၼ်ပွတ်ႇၸိူဝ်းၼႆႉ တၢင်းပဵၼ်ဢၼ်လႆႈၸႂ်ႉၶၢဝ်းယၢမ်းသေယူတ်းယႃ ၸိူဝ်းၼႆႉ ” – ဝႃႈၼႆ။

တီႈၼႂ်းမိူင်းတႆး မီးၵူၼ်းၵူတ်ႇထတ်းတၢင်းပဵၼ်ၶႆႈဝတ်း H1N1  8 ၵေႃႉ ဢၼ်မီးၸိူဝ်ႉမႅင်း မီး 4 ၵေႃႉဝႃႈၼႆသေတႃႉ ၾၢႆႇပၢႆးယူႇလီၼႂ်းမိူင်းတႆး ယိုၼ်ယၼ်လၢတ်ႈဝႃႈ   ဢမ်ႇပႆႇမီးၵူၼ်းတၢႆႇယွၼ်ႉတၢင်းပဵၼ်ၼႆႉဝႃႈၼႆ။

တၢင်းပဵၼ် ၶႆႈလိူတ်ႈဢွၵ်ႇ H1N1 ၼႆႉပီၼိုင်ႈလႄႈပီၼိုင်ႈ ၾၢင်ႁၢင်ႈမၼ်းဢမ်ႇမိူၼ်ၵၼ်။ မၢင်ပီ ႁဵတ်းႁႂ်ႈၵူၼ်းတၢႆၼမ်သေတႃႉ မၢင်ပီသမ်ႉ ဢမ်ႇမီးၵူၼ်းတၢႆ။ ၾၢႆႇပၢႆးယူႇလီ ပိုၼ်ၽၢဝ်ႇပဵၼ်တၢင်းၵၢၼ်ဝႃႈ ပီ 2018 ပီၵၢႆၼႆႉ ဢမ်ႇမီးၵူၼ်းတၢႆယွၼ်ႉ H1N1 ။ ၵူၺ်းၵႃႈ ပီ 2017 သမ်ႉ ၵူတ်ႇထတ်းၵူၼ်းၼၢဝ် 1000 ပၢႆၺႃးၵူၼ်းမီးၸိူဝ်ႉမႅင်း H1N1  458 ၵေႃႉ ၼႂ်းၼၼ်ႉ ဢၼ်တၢႆ မီး 38 ၵေႃႉ ဝႃႈၼႆ။

Ref; VOA

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း