Thursday, March 28, 2024

မၢၵ်ႇလူင်တူၵ်းသႂ်ႇႁိူၼ်းၵူၼ်းဝၢၼ်ႈ ၼမ်ႉတူႈ 2 လင် လုၵ်ႉပဵၼ်ၾႆးႁုပ်ႇမႆႈမူတ်း

Must read

သိုၵ်းလူင်ပွင်ၸိုင်ႈမၢၼ်ႈ လေႃႇယိုဝ်း သိုၵ်းဢူၺ်းလီပွတ်းႁွင်ႇ ၼႂ်းၸႄႈဝဵင်းၼမ်ႉတူႈသေ မၢၵ်ႇလူင် မၢၵ်ႇၵွင်ႈ တူၵ်းသႂ်ႇ ႁိူၼ်းၵူၼ်းဝၢၼ်ႈ 2 လင် လူႉၵွႆ ပဵၼ်ၾႆးႁုပ်ႇမႆႈမူတ်း ဝႃႈၼႆ။

ၶႅပ်းႁၢင်ႈႁိူၼ်းၵူၼ်းဝၢၼ်ႈ ဢၼ်ၺႃးမၢၵ်ႇလူင်တူၵ်းသႂ်ႇသေ ၾႆးမႆႈၼၼ်ႉ
Photo by – Mansan Youth/ ႁိူၼ်းၵူၼ်းဝၢၼ်ႈ 2 လင် ဢၼ်ၺႃးမၢၵ်ႇလူင်တူၵ်းသႂ်ႇသေ မႆႈၼၼ်ႉ

ဝၼ်းတီႈ 27/03/2019 ယၢမ်းဝၢႆးဝၼ်း သိုၵ်းလူင်ပွင်ၸိုင်ႈမၢၼ်ႈ လေႃႇယိုဝ်း သိုၵ်းဢူၺ်းလီပွတ်းႁွင်ႇ တီႈႁိမ်းဝၢၼ်ႈမိူင်းမူႉ ဢိူင်ႇမၢၼ်ႈၸၢမ် ၸႄႈဝဵင်းၼမ်ႉတူႈ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ။ မၢၵ်ႇလူင် မၢၵ်ႇၵွင်ႈ တူၵ်းသႂ်ႇႁိူၼ်းၵူၼ်း ဝၢၼ်ႈ ဝႃႈၼႆ။

- Subscription -

ႁိူၼ်း ဢၼ်မၢၵ်ႇလူင်တူၵ်းသႂ်ႇၼၼ်ႉ ပဵၼ်ႁိူၼ်း လုင်းၸၢႆးသၢင်ႇပေႃႇ လင်ၼိုင်ႈ။ ႁိူၼ်းၸၢႆးၼေႃႇမိူင်းလႄႈ ၼၢင်းမွၼ်းၶမ်း လင်ၼိုင်ႈ ၵူၺ်းၵႃႈ လွင်ႈၵူၼ်းမၢတ်ႇၸဵပ်းလူႉတၢႆတႄႉ ဢမ်ႇမီး ဝႃႈၼႆ။

ထေႃႈၵူၼ်းမိူင်း ဢၼ်ၺႃးမၢၵ်ႇလူင်တူၵ်းသႂ်ႇသေ ပိၼ်ႇတူၵ်းတၢင်း
Photo by – Mansan Youth/ ထေႃႈၵူၼ်းမိူင်း ဢၼ်ၺႃးမၢၵ်ႇလူင်တူၵ်းသႂ်ႇသေ ပိၼ်ႇတူၵ်းတၢင်းၼၼ်ႉ

ၸဝ်ႈႁိူၼ်း လၢတ်ႈတီႈၽူႈတွႆႇႁွၵ်ႈဝႃႈ “ ၶူဝ်းႁိူၼ်းယေးတႄႉ ဢမ်ႇတၼ်းလႆႈသင်ၶႃႈ။ ၸဵမ်ၶဝ်ႈပိူၵ်ႇ၊ ၾုၼ်ႇသႂ်ႇၼႃး၊ ၸၢၵ်ႈ ထႆၼႃး၊ ၸၢၵ်ႈတတ်းယိူဝ်ႈ။ လိူဝ်ၼၼ်ႉ တူဝ်သတ်းဢၼ်လဵင်ႉဝႆႉမိူၼ်ၼင်ႇ ၵႆႇ၊ မူ ၸိူဝ်း ၼၼ်ႉၵေႃႈ ဢမ်ႇလႆႈသင်။ ၵူၼ်း ႁိူၼ်းတႄႉ ယွၼ်ႉဝႃႈ ပၢႆႈၽေးသိုၵ်းၵႂႃႇသွၼ်ႈဝႆႉတီႈတင်းမၢၼ်ႈၸၢမ်ဝႆႉလႄႈ ဢမ်ႇလႆႈ တုမ်ႉတိူဝ်ႉသင်” ဝႃႈၼႆ။

ၼႂ်းဝူင်ႈဝၢင်ႈၼႆႉ ယွၼ်ႉပဵၼ်ပၢင်တိုၵ်းထပ်းၵၼ်လၢႆလၢႆဝၼ်းသေ ၵူၼ်းဝၢၼ်ႈ လႆႈဢွၼ်ၵၼ်ပၢႆႈၵႂႃႇသွၼ်ႈဝႆႉ တီႈဝတ်ႉ ၵျွင်းႁွင်ႇ ဢိူင်ႇမၢၼ်ႈၸၢမ်ၵၼ်ဝႆႉ ဝႃႈၼႆ။

ၼၢင်းဢေး ၵူၼ်းပၢႆႈၽေးသိုၵ်း လၢတ်ႈတီႈၽူႈတွႆႇႁွၵ်ႈဝႃႈ “ ပဵၼ်မၢၵ်ႇၸုမ်းလႂ်ယိုဝ်းသႂ်ႇႁိူၼ်းၵူၼ်းဝၢၼ်ႈဢၼ် ဝႃႈၼၼ်ႉ တႄႉ ဢမ်ႇႁူႉၶႃႈ။ ယွၼ်ႉဝႃႈ ဢၼ်တူင်ႉၼိုင်ယူႇတၢင်းပွတ်းတွၼ်ႈၼႆႉ မီးပဵၼ် 3 ငႃး 3 ၸုမ်း။ သိုၵ်းမၢၼ်ႈၵေႃႈမီး၊ သိုၵ်း ဢူၺ်းလီၵေႃႈမီး။ သိုၵ်း RCSS ၵေႃႈမီး။ မိူဝ်ႈဝႃးၵေႃႈ ၵူၼ်းဝၢၼ်ႈလူင်မိူတ်ႇ ဢွၼ်ၵၼ်ပၢႆႈၽေးသိုၵ်း ဢွၵ်ႇမႃး ၽိူဝ်ႇႁွတ်ႈ ၽႅဝ် ႁိမ်းမၢၼ်ႈမႂ်ႇၼၼ်ႉ မၢၵ်ႇလူင်တူၵ်းသႂ်ႇႁိမ်းထေႃႈၶဝ်သေလႄႈ ထေႃႈၶဝ်ပိၼ်ႈတူၵ်းတၢင်းၵႂႃႇ ၵူၼ်းၶီႇမႃးၸွမ်းၼႂ်း ထေႃႈ 3 ၵေႃႉ မႄႈလုၵ်ႈ လႆႈမၢတ်ႇၸဵပ်းႁၢဝ်ႈႁႅင်းသေ လႆႈသူင်ႇၵႂႃႇယူတ်းယႃတူဝ်တီႈႁူင်းယႃလႃႈသဵဝ်ႈ” ဝႃႈၼႆ။

တေႃႈလဵဝ် ၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉ တီႈၵျွင်းႁွင်ႇမၢၼ်ႈၸၢမ် မီး 40 ပၢႆ ပဵၼ်ၵူၼ်းဝၢၼ်ႈလူင်မိူတ်ႇ။ တီႈႁူင်း သဝ်း TEC သမ်ႉ မီး 70 ပၢႆ ပဵၼ်ၵူၼ်းဝၢၼ်ႈၵွင်းႁုင်း တင်းမူတ်းမီး 120 ပၢႆ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း