ထုင်ႉၼွင်ႁၢႆးယႃႈ ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ပီၼႆႉ ႁွႆယႃႉၵဝ်း တူၼ်ႈၶဝ်ႈႁၢဝ်ႈႁႅင်း ၸဝ်ႈၼႃးလူႉသုမ်းၼမ် ဝႃႈၼႆ။ တႄႇလိူၼ်ၵျူႊလၢႆႊမႃး ႁွႆၶဝ်ႈယႃႉ ၶူပ်းတူၼ်ႈၶဝ်ႈ ၼႂ်းထုင်ႉၼႃးတွၼ်ႈတၢင်းဢွၵ်ႇလႄႈ တၢင်းတူၵ်း ၼွင်ႁၢႆးယႃႈ ႁဵတ်းႁႂ်ႈတူၼ်ႈၶဝ်ႈ ၸဝ်ႈၼႃးလူႉသုမ်းၼမ် လိူဝ်တၢင်ႇပီ ၼႆယဝ်ႉ။ ၸဝ်ႈၼႃးၼွင်ႁၢႆးယႃႈ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -“ပီၼႆႉတႄႉ ၶဝ်ႈတေဢွၵ်ႇဢေႇ။ ယွၼ်ႉႁွႆယႃႉၵေႃႈပႃး၊ ၾိင်ႈၾႃႉရႃႇသီႇ ဢမ်ႇလီ...