ဝၼ်းတီႈ 24/08/2025 ယၢမ်းၵၢင်ၼႂ် မွၵ်ႈ 9 မူင်း ၶူဝ်ၵိုတ်ႈ ဢၼ်ၵိုၵ်းပိုၼ်း ၼႂ်းၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ ၶၢဝ်းတၢင်းႁိုင် 125 ပီ ၸိုဝ်ႈလိုဝ်းတူဝ်ႈလုမ်ႈၾႃႉၼၼ်ႉ ၺႃးၸုမ်းယိပ်းၵွင်ႈၵၢင်ႇ ဢဝ်မၢၵ်ႇႁၢင်ႈ ယႃႉလူႉၵွႆၵႂႃႇ ၼႆယဝ်ႉ။ ၶူဝ်ၵိုတ်ႈလူင် ဢၼ်သၢင်ႈဝႆႉတႃႇသဵၼ်ႈတၢင်းရူတ်ႉၾႆး လုၵ်ႉတၢင်းဝဵင်းၼွင်ၶဵဝ် ၶၢမ်ႈၵႂႃႇၸူးဝဵင်းၵျွၵ်ႉမႄးၼၼ်ႉ လူႉၵွႆၵႂႃႇၽွင်းၸုမ်းသိုၵ်းတဢၢင်း TNLA လႄႈ...