ဝၢႆးသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်း လင်ပၢင်တိုၵ်းၽႅၼ်ၵၢၼ်ယၼ်ႇသိုၵ်း 1027 မႃးၼႆႉ ႁူင်းပျေႃႇမူၼ်ႈၼမ်၊ ယႃႈမဝ်းၵမ်လိူင်ႇၶိုၼ်ႈမႃးၵူႈမိုဝ်ႉၵူႈဝၼ်းလႄႈ ၵူၼ်းၼုမ်ႇ ၸိူဝ်းမီးယူႇၼႂ်းၸႄႈဝဵင်းတၢင်ႉယၢၼ်း ၾိင်ႈယၢမ်ႈလူႉႁႅင်း ၼႆယဝ်ႉ။ ၼႂ်းဝဵင်းတၢင်ႉယၢၼ်းၼႆႉ ႁူင်းပျေႃႇမူၼ်ႈ KTV မီးၼပ်ႉထိုင် 100 တီႈပၢႆယဝ်ႉလႄႈ ယႃႈမဝ်းၵမ်၊ ၵၢၼ်လွၵ်ႇငိုတ်ႈ လႅၼ်ၵိၼ်ငိုၼ်းၵၼ်၊ ၽူႈလၵ်ႉၵူၼ်းၸူၼ်၊ ၵူၼ်းပႅၵ်ႇၼႃႈတၢင်ႇဝၢၼ်ႈတၢင်ႇဝဵင်း ၶဝ်ႈယူႇဝႆႉၼႂ်းဝဵင်းတၢင်ႉယၢၼ်းၼမ်ႁႅင်းတေႉတေႉၼႆ ၵူၼ်းမိူင်းပိုၼ်ႉတီၵေႃႉၼိုင်ႈလၢတ်ႈၼႄၼင်ႇၼႆ။ ၸၢႆးၼုမ်ႇ ဢႃႇယု 30...