ၸွမ်းၼင်ႇၵႂၢမ်းထုင်းမီးဝႆႉဝႃႈ “ၽႂ်မီးငိုၼ်းပဵၼ်ၸဝ်ႈ ၽႂ်မီးၶဝ်ႈပဵၼ်ၶုၼ်” ၼႆလႄႈ ယၢမ်းလဵဝ် ငဝ်းလၢႆးၵူၼ်းၼႂ်း မိူင်းတႆးပွတ်းႁွင်ႇၵေႃႈ ႁိုဝ်တေၵၢင်းလွတ်ႈလႆႈ ၶေႃႈၵႂၢမ်းဢၼ်ဝႃႈ “ၵူၼ်းမီးငိုၼ်းပဵၼ်ၸဝ်ႈ ၵူၼ်းမီးၵွင်ႈပဵၼ်ၶုၼ်” ၼႆၼၼ်ႉယဝ်ႉ။ တႄႇၸဵမ်မိူဝ်ႈ ၸုမ်းဢူၺ်းလီပွတ်းႁွင်ႇၶဝ် သၢမ်ၸုမ်း ၶိုင်ပွင်ၸတ်းပၢင်ယၼ်ႇသိုၵ်း 1027 မႃး ပီႈၼွင်ႉမိူင်းတႆး ပွတ်းႁွင်ႇ ဢမ်ႇယူႇငၢႆႈလူမ်ၸႂ်သေဢိတ်းၼၼ်ႉယဝ်ႉ။ ပၢင်ယၼ်ႇသိုၵ်း 1027 ဝဵင်းသႅၼ်ဝီ ယၢမ်းၵၢင်ၼႂ်ၸဝ်ႉ 4...