ၵူၼ်းထဝ်ႈမိူဝ်ႈၵွၼ်ႇ ၵႆႉလႄႇလၢတ်ႈႁင်းလုၵ်ႈဢွၼ်ႇဝႃႈ ပေႃးႁဵတ်းၽိတ်းသေပိူင်ပိူင် ၸၢင်ႈၺႃးၾႃႉ ၽႃႇ လိၼ်ဢိုၼ်ၼႆဝႃႈ။ ၵူၺ်းၵႃႈ ငဝ်းလၢႆးၵၢပ်ႈဝၢၼ်ႈပၢၼ်မိူင်းယၢမ်းလဵဝ် ၽေးႁုၵ်ႉႁၢႆႉၸၢင်ႈပဵၼ်လႆႈ ၵူႈၵေႃႉလႄႈ ၵူႈတီႈ။ ၵူဝ်ၺႃးၽေးၾႃႉၽႃႇလႄႈ ၵမ်ႈၼမ် တေဢွၼ်ၵၼ်သႂ်ႇၶိူင်ႈႁႄႉၾႃႉၽႃႇ ၸဵမ်မိူဝ်ႈသၢင်ႈႁိူၼ်းယေး။ ၸိူင်ႉႁိုဝ်ၵေႃႈယႃႇ တႃႇတေလွတ်ႈ ၽေးၾႃႉၽႃႇၼႆႉၵေႃႈ ပဵၼ်လွင်ႈဢၼ်လီ လဵပ်ႈႁဵၼ်းဝႆႉယူႇ။ ၽေးၾႃႉၽႃႇၼႆႉ ၸၢင်ႈထူပ်းၺႃး မိူဝ်ႈၾိင်ႈၾႃႉရႃႇသီႇၵိုင်ႉၵၢင်ႉလႅၵ်ႈလၢႆႈ။ ၵမ်ႈၼမ်ၵေႃႈ တေပဵၼ်ၶၢဝ်းႁူဝ်ၾူၼ်...