ႁူဝ်လိူၼ်ၵျုၼ်ႊပီ 2026 ၼႆႉ ႁူင်းႁဵၼ်းလူင်ပွင်ၸိုင်ႈ တႄႇပိုတ်ႇပဵၼ်တၢင်းၵၢၼ်ပတ်းပိုၼ်ႉမိူင်းႁူမ်ႈတုမ် ၼႂ်းမိူင်းတႆး ၸႄႈဝဵင်းၸိူဝ်းဢမ်ႇမီးပၼ်ႁႃ ပၢင်တိုၵ်းသိုၵ်းသိူဝ် ၸိူဝ်းတိုၵ်ႉပဵၼ်ၼႂ်းၼႃႈတီႈ သိုၵ်းမၢၼ်ႈယိုတ်းမိူင်းၵုမ်းၵမ်ယူႇၼၼ်ႉၵေႃႈ ဢွၼ်ၵၼ်ပိုတ်ႇႁူင်းႁဵၼ်း ပဵၼ်တၢင်းၵၢၼ်ၵႂႃႇ ၸွမ်းၼင်ႇပၵ်းၵဝ်ႇပိူင်ၵဝ်ႇ မိူၼ်ၵူႈပီ ၼႆယဝ်ႉ။ မေႃသွၼ် ၽူႈၵွၼ်းႁူင်းႁဵၼ်းလူင်ပွင်ၸိုင်ႈ ၸၼ်ႉၵၢင် (အခြေခံအလယ်တန်းကျောင်းခွဲ) တီႈ ဝၢၼ်ႈၼႃးၸၢမ် ၸႄႈဝဵင်းမိူင်းသူႈ ဢၼ်မီးၼႂ်းၵႄႈၵၢင်ဝၢၼ်ႈၼမ်ႉၵတ်း လႄႈ မိူင်းသူႈ...