ၼမ်ႉထူမ်ႈ ဝဵင်းလွႆၶေႃ ၸႄႈမိူင်းယၢင်းလႅင် ထူမ်ႈပႃးႁိူၼ်းယေးၵူၼ်းမိူင်းလႄႈ တီႈယူႇတၼ်းသဝ်း ၵူၼ်းပၢႆႈၽေးသိုၵ်း - လႆႈဢွၼ်ၵၼ်သိုပ်ႇပၢႆႈထႅင်ႈ ဝႃႈၼႆ။ သိုၵ်းမၢၼ်ႈ ယိုတ်းမိူင်း ပိုတ်ႇၾၢႆမိူင်းပၢႆး မိူဝ်ႈႁၢင်လိူၼ်ၵျူႊလၢႆႊၼၼ်ႉ ႁဵတ်းႁႂ်ႈၼမ်ႉထူမ်ႈၶဝ်ႈထိုင် ဝဵင်းမိူင်းပၢႆး လႆလူင်းထိုင်တီႈ ဝဵင်းလွႆၶေႃ ၼွင်းထူမ်ႈႁိူၼ်းယေးၵူၼ်းမိူင်း တေႃႇထိုင်ဝၼ်းမိူဝ်ႈၼႆႉ ၼမ်ႉယင်းပႆႇႁႅင်ႈ။ ၸုမ်းၵႅတ်ႇၶႄၵူၼ်းမိူင်း ဝဵင်းလွႆၶေႃ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ - “မိူဝ်ႈၶဝ်တႄႇပိုတ်ႇၾၢႆၼၼ်ႉ ၼမ်ႉတေထူမ်ႈ...