သိုၵ်းလူင်ပွင်ၸိုင်ႈမၢၼ်ႈ ဢၼ် ပၵ်းသဝ်း တူင်ႉၼိုင် ၼႂ်းၸႄႈဝဵင်းတၢင်ႉယၢၼ်းၼၼ်ႉ ႁွၼ်ႈထဝ်ႇၵဵပ်းသၢႆမၢႆ ႁူဝ်ၵူၼ်း၊ သၢႆမၢႆရူတ်ႉၵႃးၶူဝ်းၶွင်ၵူၼ်းမိူင်း၊ သမ်ႉယွၼ်းလိူၵ်ႈတင်ႈလူင်ႈၼႃႈ ပႃးၸိူဝ်းၼၼ်ႉ ပႃႇတီႇႁူဝ်သိူဝ်တၢင်ႉယၢၼ်း ဢမ်ႇႁၼ်လီ “သၢၼ်ၶတ်း” ဝႃႈၼႆ။ တႄႇဢဝ် ႁူဝ်လိူၼ်ဢေႃႊၵတ်ႊသ်ၼႆႉမႃး တပ်ႉသိုၵ်းလူင်ပွင်ၸိုင်ႈမၢၼ်ႈ ဢၼ်ဝႃႈ မႃးဢဝ်ႁူမ်ႇလူမ်ႈတႃႇပၢင်လိူၵ်ႈတင်ႈ ပီ 2020 ၼၼ်ႉ ႁွၼ်ႈထဝ်ႇတူင်ႉၼိုင်လူင်းၵဵပ်းသဵၼ်ႈမၢႆ ၵူၼ်းဝၢၼ်ႈ/ဢိူင်ႇ လဵၵ်ႉယႂ်ႇၼုမ်ႇထဝ်ႈ...