ၼႂ်းႁူဝ်လိူၼ်ၵျုၼ်ႊၼႆႉ ငိုၼ်းတုငိုၼ်းပွမ် ၽႄႈလိူင်ႇၼမ်မႃးၶိုၼ်းၼႂ်းဝဵင်းလႃႈသဵဝ်ႈ မိူင်းတႆးပွတ်းႁွင်ႇ ၸဝ်ႈႁၢၼ်ႉၶၢႆၵုၼ်ႇယွႆႈၵူႈသႅၼ်းသႅၼ်း လႄႈ ၵူၼ်းႁပ်ႉသူင်ႇလႅၵ်ႈငိုၼ်းၶဝ် လႆႈဢွၼ်ၵၼ်ၾၢင်ႉတူၺ်းလီလီ။ ၸဝ်ႈႁၢၼ်ႉၵုၼ်ႇၵႃႉတၢင်းၶၢႆ ၼႂ်းဝဵင်းလႃႈသဵဝ်ႈၵေႃႉၼိုင်ႈလၢတ်ႈၼႄတီႈၽူႈတွႆႇႁွၵ်ႈဝႃႈ “မိူဝ်ႈဢွၼ်တၢင်း ၵႆႉလႄႇၺႃး 2-3 မၢင်ၵူၺ်း။ မိူဝ်ႈလဵဝ်ၼႆႉပေႃးၺႃးၼိုင်ႈပွၵ်ႈၼႆႉ ဢေႇသုတ်း 5-6 မၢင်ယဝ်ႉ။ သမ်ႉပဵၼ်မၢင် 10,000 လၢႆလၢႆ။ ငိုၼ်းတေႉ လႄႈတင်း ငိုၼ်းပွမ်ၼႆႉ ၸေႈမၼ်းဢမ်ႇမိူၼ်ၵၼ်...