NUG,NUCC ဢၼ်ၸၢဝ်းမၢၼ်ႈၵမ်ႈၼမ် သုမ်ႇငုမ်းၵုမ်းၵမ်ဝႆႉၼၼ်ႉ ယိုၼ်ပဵၼ်လူင်ပွင်ၸိုင်ႈမိူင်း ႁူမ်ႈတုမ် လႄႈ ၸုမ်းၵိူဝ်းၵုမ်တႃႇမိူင်းႁူမ်ႈတုမ်သေတႃႉ ၵၢၼ်မိူင်းၼႆႉ ၼွၵ်ႈလိူဝ်ၶဝ်ဢွၼ်ႁဵတ်း၊ ၼွၵ်ႈလိူဝ်ၶဝ်ဢွၼ်ႁူဝ်ထူဝ်းၼႃႈ ဢမ်ႇၼပ်ႉတေႃႈယွမ်းႁပ်ႉတၢင်ႇၸုမ်း။ ၽူႈလႂ်ၽႂ်ၶႂ်ႈႁဵတ်းၶႂ်ႈသၢင်ႈ မႃးယူႇတႂ်ႈႁူမ်ႈမုင်းၶဝ်တူင်ႉ ၸင်ႇၶႂ်ႈမၵ်းမၼ်ႈပဵၼ်တၢင်းၵၢၼ်၊ ၶိုင်ႁဵတ်းႁင်းၵွႆးၸိုင် ထုၵ်ႇၶဝ် ဢီးယဝ်ႈထိပ်ႇဢွၵ်ႇ ၶွပ်ႇဝူင်းၵၢၼ်မိူင်းၵမ်းသိုဝ်ႈၼႆ ၵႆႉလႆႈႁၼ်လႆႈငိၼ်းၼႃႇ၊ ႁၼ်ယဝ်ႉႁၼ်ထႅင်ႈ၊ တေႃႇမိူဝ်ႈဝႃးမိူဝ်ႈသိုၼ်း တိုၵ်ႉလႆႈႁၼ်လႆႈငိၼ်းယူႇ ဢမ်ႇထၢတ်ႇ။ သူပ်းတႄႉဝႃႈ...