ၶူင်ႇႁိူဝ်းမိၼ်ၵူႈမိူင်းမိူင်း မိူၼ်ၼင်ႇတႃႈႁိူဝ်းမိၼ်သူဝၼ်းၼႃးၽုမ်း မိူင်းၵွၵ်ႇ(ၵုင်းထဵပ်ႈ) လႄႈ တႃႈႁိူဝ်းမိၼ် ၵဵင်းမႂ်ႇ ၵူတ်ႇထတ်းၵူၼ်းၶဝ်ႈမိူင်းႁၢဝ်ႈႁႅင်း တႃႇႁႄႉၵင်ႈတၢင်းပဵၼ် ဝၢႆႊရၢတ်ႉသ် ၼီႊပႃႊ။ ဝၼ်းတီႈ 24/01/2026 တႃႈႁိူဝ်းမိၼ် ၵူႈမိူင်းမိူင်း ဢၼ်မီးတီႈဝဵင်းလူင်ၵုင်းထဵပ်ႈလႄႈ ဢၼ်မီးတီႈ ဝဵင်းၵဵင်းမႂ်ႇ 2 ဢၼ် ပႂ်ႉၵူတ်ႇထတ်းၵူၼ်းၼွၵ်ႈမိူင်းၸိူဝ်းၶဝ်ႈမႃးမိူင်းထႆး။ ပိူင်လူင်ၵူတ်ႇထတ်း ဢၼ်လုၵ်ႉမိူင်းၵြႃးဢိၼ်ႊတီႊယႃႊမႃး ဢမ်ႇၼၼ် ဢၼ်လုၵ်ႉတၢင်ႇမိူင်းၼႂ်းလုမ်ႈၾႃႉမႃး ၵူၺ်းၵႃႈလႆႈမႃးၵိုတ်းဝႄႉတီႈမိူင်းၵြႃးဢိၼ်ႊတီႊယႃႊသေ...