ဝၼ်းတီႈ 21/05/2025 ယၢမ်းၵၢင်ၼႂ်ၸဝ်ႉ 6 မူင်းပၢႆ ၵူၼ်းယိပ်းၵွင်ႈၵၢင်ႇ မွၵ်ႈႁႃႈၵေႃႉ ၶီႇၵႃးမႃးသေ ၶဝ်ႈၸူၼ်ဢဝ် ၶူဝ်းၶွင်ငိုၼ်းၶမ်း ၼႂ်းႁိူၼ်းၵူၼ်းၶၢႆၶမ်း တီႈပွၵ်ႉၵၢတ်ႇ ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။ “ၵူၼ်းၸိူဝ်းယိပ်းၵွင်ႈၵၢင်ႇမႃးၸူၼ်ၼၼ်ႉ ၶီႇၵႃး Crown သီႇၽိူၵ်ႇ မႃးၵိုတ်းႁႄႉသႂ်ႇတၢင်းၼႃႈႁိူၼ်း ၽွင်းၸဝ်ႈႁိူၼ်းတိုၵ်ႉတေၵႂႃႇသူင်ႇလုၵ်ႈဢွၼ်ႇ တီႈႁူင်းႁဵၼ်း။ ဢဝ်ၵွင်ႈငႃသႂ်ႇၸဝ်ႈႁိူၼ်းသေ ၸႂ်ႉ ၵႂႃႇ ပိုတ်ႇပၼ်တူႈၵဵပ်းငိုၼ်းၶမ်း...