မိူဝ်ႈၼႆႉ ဝၼ်းတီႈ 28/12/2025 ဝၼ်းပၢင်လိူၵ်ႈတင်ႈၵမ်းထိ 1 ၵူၼ်းဢမ်ႇၶႅင်ႁႅင်းၼႂ်းဝဵင်းႁူဝ်ပူင်း ၸိုင်ႈတႆးပွတ်းၸၢၼ်းၼၼ်ႉ သိုၵ်းမၢၼ်ႈၵဵပ်းသဵၼ်ႈၸိုဝ်ႈၶဝ်ၵႂႃႇလႄႈ ၵူၼ်းမိူင်းမႆႈၸႂ်ဝႃႈ သိုၵ်းမၢၼ်ႈတေၵႂႃႇသႂ်ႇၶႅပ်းၵၢင်ၸႂ်တႅၼ်းတၢင်ပၼ်ႁင်းၵူၺ်းႁိုဝ်ၼႆယူႇ။ တီႈဝဵင်းႁူဝ်ပူင်းၼႆႉ မီးႁူင်းပၼ်သဵင် 78 ႁူင်း ။ ဢမ်ႇမီးပၢင်လိူၵ်ႈတင်ႈလူင်ႈၼႃႈ ။ သိုၵ်းမၢၼ်ႈလွၵ်ႇငိုတ်ႇၵူၼ်းမိူင်းဝႆႉဝႃႈ တေလႆႈမႃးပၼ်သဵင်ၼႂ်းဝၼ်းပၢင်လိူၵ်ႈတင်ႈၼၼ်ႉၵူၺ်း။ ၽႂ်ဢမ်ႇမႃးသႂ်ႇၶႅပ်းၵၢင်ၸႂ်တေတီႉၺွပ်းဝႃႈၼႆသေတႃႉ ၵူၼ်းမိူင်းဢမ်ႇသူၼ်ၸႂ်ၼႂ်းၵၢၼ်လိူၵ်ႈတင်ႈ - ဢၼ်မႃးသႂ်ႇၶႅပ်းၵၢင်ၸႂ်မီးၵမ်ႈဢႄႇၵူၺ်း - ၵူၼ်းပိုၼ်ႉတီႈလၢတ်ႈ...