ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ လၢတ်ႈဝႃႈ - ႁူဝ်ၼႃႈၸုမ်းသိုၵ်းၸၢဝ်းၶိူဝ်းၵမ်ႈၽွင်ႈ ၶဝ်ႈပႃးလူင်းလၢႆးမိုဝ်းလိၵ်ႈႁူမ်ႈမၢႆၵိုတ်းတိုၵ်း NCA ယူႇသေတႃႉ လုၵ်ႈၸုမ်းၵမ်ႈၽွင်ႈတႄႉ တိုၵ်ႉသိုပ်ႇပႆသဵၼ်ႈတၢင်းၽိတ်းယူႇ ဝႃႈၼႆ။ ၸွမ်ၸိၵ်းသိုၵ်းမၢၼ်ႈယိုတ်းမိူင်းၼႆႉ သူင်ႇၽိုၼ်လိၵ်ႈႁူမ်ၸူမ်း ဝၼ်းပီမႂ်ႇယၢင်း 2765 ၼီႈဢၼ်တူၵ်းမႅၼ်ႈၼႂ်းဝၼ်းမိူဝ်ႈၼႆႉ 19/12/2025 သေတႅမ်ႈသႂ်ႇဝႆႉပႃးၼင်ႇၼၼ်။ ၼႂ်းလိၵ်ႈၼၼ်ႉပႃးဝႆႉထႅင်ႈဝႃႈ - “ ၸုမ်းယိပ်းၵွင်ႈၵၢင်ႇၸၢဝ်းၶိူဝ်းၵမ်ႈၽွင်ႈၵေႃႈထုၵ်ႇလီႁၼ်ထိုင်တွၼ်ႈတႃႇၵူၼ်းမိူင်းလႄႈ ၸိုင်ႈမိူင်းသေ ထုၵ်ႇလီပႆၼိူဝ်သဵၼ်ႈတၢင်းငမ်းယဵၼ်ယဝ်ႉ။ သင်ဝႃႈပၢင်လိူၵ်ႈတင်ႈဢၼ်သိုၵ်းမၢၼ်ႈဢွၼ်ၼမ်းၸတ်းႁဵတ်းၼႆႉဢွင်ႇမၢၼ်ၸိုင် ၸုမ်းယိပ်းၵွင်ႈၵၢင်ႇၵေႃႈ ၶိုၼ်းယူႇတီႈၵူၼ်းမိူင်းသေ...