သိုၵ်းတဢၢင်း TNLA ႁၢမ်ႈၵူၼ်းပိုၼ်ႉတီႈ ဝဵင်းမူႇၸေႊၵႂႃႇမႃး ၸွမ်းၼႂ်းထိူၼ်ႇၶိူဝ်းလႄႈ သူၼ်ၼႃး ၵူဝ်ၽႃႇၺႃးမၢၵ်ႇမႅင်း တႅၵ်ႇသႂ်ႇ ႁဵတ်းႁႂ်ႈတုမ်ႉတိူဝ်ႉၵူၼ်းမိူင်း ထူပ်းလွင်ႈယၢပ်ႇၽိုတ်ႇႁႃၵိၼ်လဵင်ႉတွင်ႉ။ ဝၼ်းတီႈ 16/8/2023 ယၢမ်းႁူဝ်ၶမ်ႈ သိုၵ်းတဢၢင်း TNLA တႄႇႁၢမ်ႈၵူၼ်းဝၢၼ်ႈ ၼႂ်းဢိူင်ႇၼွင်သႅင် ၸႄႈဝဵင်းမူႇၸေႊ ၸိုင်ႈတႆး ပွတ်းႁွင်ႇ ၵႂႃႇသူၼ်ၼႃး ပၼ်ၾၢင်ႉသတိဝႆႉ “ပၢင်တိုၵ်းၼႆႉ ဢမ်ႇႁူႉဝႃႈ တေၵိူတ်ႇၶိုၼ်ႈမိူဝ်းလႂ်...