ၾၢႆႇၽွင်းငမ်း ဝဵင်းၵုၼ်ႁဵင် ၸိုင်ႈတႆးပွတ်းၸၢၼ်း လူင်းၵဵပ်းငိုၼ်းၵူၼ်းမိူင်း တႃႇၵမ်ႉၸွႆႈႁၢပ်ႇၵၢၼ်သိုၵ်းမၢၼ်ႈၵူၺ်း ဢမ်ႇၵႃး ဢၢင်ႈၸိုဝ်ႈတပ်ႉသိုၵ်းၸိုင်ႈတႆးသေ ၵဵပ်းပႃးလႄႈ ၵူၼ်းမိူင်း ပဵၼ်ဢၼ်ယၢပ်ႇၽိုတ်ႇၵိၼ်းၸႂ်။ တႄႇလိူၼ်ၵျုၼ်ႊ ပီ 2024 မႃး သိုၵ်းမၢၼ်ႈ ႁွင်ႉၵူၼ်းၼုမ်ႇၵူၼ်းမိူင်း ၼႂ်းပွၵ်ႉၼႂ်းဝဵင်းၵုၼ်ႁဵင် တႃႇႁၢပ်ႇၵၢၼ်သိုၵ်း။ ၵူၼ်းမိူင်းၼႂ်းပွၵ်ႉဢမ်ႇၶႂ်ႈၵႂႃႇႁၢပ်ႇၵၢၼ်သိုၵ်း ၸွမ်းသိုၵ်းမၢၼ်ႈလႄႈ ၶိုၼ်းတွပ်ႇဝႃႈ တေပၼ် ငိုၼ်းတႃႇၸၢင်ႈၵူၼ်း။ တင်ႈတႄႇၵဵပ်းၵူၼ်းမႃး တေႃႇထိုင်ယၢမ်းလဵဝ်...