သိုၵ်းမၢၼ်ႈလႄႈပျီႇတူႉၸိတ်ႉပဢူဝ်း ထႅမ်ႁႅင်းသိုၵ်းၶဝ်ႈၼႂ်းဝၢၼ်ႈဢိူင်ႇႁိူၼ်းယေးၼႂ်းၸႄႈဝဵင်းၾၢႆၶုၼ် ၽဝ်ႁိူၼ်းယေးၵူၼ်းဝၢၼ်ႈ ၊ ႁိူဝ်းမိၼ်သိုၵ်းပွႆႇမၢၵ်ႇသႂ်ႇႁိူၼ်းယေးၵူၼ်းဝၢၼ်ႈ ၼႂ်းၶၢဝ်းတၢင်းဝူင်ႈၼႆႉၵူၺ်းၾႆးမႆႈႁိူၼ်းၵူၼ်းဝၢၼ်ႈ 30 ပၢႆ၊ ၵူၼ်းဝၢၼ်ႈတႄႉ ပၢႆႈၽေးသိုၵ်းယဝ်ႉလႄႈ ဢမ်ႇမီးလွင်ႈတုမ်ႉတိူဝ်ႉမၢတ်ႇၸဵပ်း။ ဝၼ်းတီႈ 14/10/2025 ယၢမ်းၵၢင်ၶမ်ႈ သိုၵ်းမၢၼ်ႈ ဢဝ်ႁိူဝ်းမိၼ်သိုၵ်းမႃးပွႆႇမၢၵ်ႇသႂ်ႇၼႂ်းဝၢၼ်ႈ ဝေႃႉယၢၼ်ႇ(ဘောရန်) ဢိူင်ႇသီးပူး ၾၢႆႇတူၵ်းဝဵင်းၾၢႆၶုၼ်။ ဝၼ်းတီႈ 13/10/2025 ယၢမ်းဝၢႆးဝၼ်း...