မိူဝ်ႈလဵဝ် ၸဝ်ႈသိလ်ထမ်းၶူးဝႃးဝုၼ်းၸုမ်ႉ ႁွတ်ႈထိုင် တိုဝ်းၵမ်တြႃးဝႆႉတီႈမိူင်းပူႊတၼ်ႊ ။ ၵွၼ်ႇမၼ်းၸဝ်ႈ ပႆႇပွၵ်ႈၶိုၼ်းမိူင်းတႆးၼႆႉ မၼ်းၸဝ်ႈ ႁႂ်ႈလုၵ်ႈၼွင်ႉပွင်ႈပၢႆ ၸုမ်းၵေႃပွင်ၵၢၼ်ၾၢႆႇသႃႇသၼႃႇတီႈမိူင်းၽူင်း ႁဵတ်းဝႆႉပၼ်ၵွမ်ႇမၼ်းၸဝ်ႈ ႁႂ်ႈယဝ်ႉတူဝ်ႈဝႃႈၼႆ။ လိူဝ်ၼၼ်ႉ မၼ်းၸဝ်ႈ သင်ႇဝႆႉပႃးလၢႆပိူင် ။ ၸဝ်ႈသိလ်ထမ်းၶူးဝႃးဝုၼ်းၸုမ်ႉ ၼႆႉ လိူဝ်သေၸိုဝ်ႈလိုဝ်းၼႂ်းမိူင်းတႆးမိူင်းမၢၼ်ႈပတ်းပိုၼ်ႉယဝ်ႉ ၸိုဝ်ႈလိုဝ်းထိုင် လၢႆၸိုင်ႈမိူင်း ။ မိူဝ်ႈလဵဝ် မၼ်းၸဝ်ႈ တိုဝ်းၵမ်တြႃးဝႆႉယူႇတီႈမိူင်းပူႊတၼ်ႊ...

ၸဝ်ႈၶူႈဝႃးပေႃႈသိလ်ထမ်းဝုၼ်းၸုမ်ႉ သင်ႇဝႆႉဝႃႈ “ပေႃးၸဝ်ႈလွၼ်ႇၵႂႃႇၼႆ ၶၢပ်ႈတူဝ်ၼၼ်ႉ ယႃႇပေၽဝ်  ႁႂ်ႈၾင်ဢဝ်၊ ႁႂ်ႈႁဵတ်းပၼ်ၶုမ်ၵုတ်းတီႈဝတ်ႉၵျွင်းမိူင်းၽူင်း ” ၼႆလႄႈ ယၢမ်းလဵဝ် တၵ်ႉၵႃႇသတ်ႉထႃးလႄႈလုၵ်ႈၼွင်ႉပွင်ႈပၢႆလႆႈႁူမ်ႈၵၼ် ၵေႃႇသၢင်ႈႁဵတ်းႁေႃႁူင်း  တီႈတေၵဵပ်းၶၢပ်ႈတူဝ်ၶူးဝႃးၸဝ်ႈဝႆႉ ဝႃႈၼႆ။ ၶုမ်ၵုတ်းႁေႃႁူင်းတႃႇၶူးဝႃးၸဝ်ႈဝုၼ်းၸုမ်ႉၼႆႉ လုၵ်ႈၼွင်ႉၸဝ်ႈ တႄႇၵေႃႇသၢင်ႈမႃး မိူဝ်ႈပီၵၢႆ 2019 ၊  ၼႂ်းဝၢင်းဝတ်ႉၽရႃႉထၢတ်ႈသီႊတွၼ်ႊရိူင်ႊ(သီရိၻွၼ်းႁိူင်း) ဢိူင်ႇမိူင်းၽူင်း ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း ၊...