ၽွင်းၽၵ်းမီႇၽိူၵ်ႇတူဝ်ႈတၼ်းတႃႇထူၺ်ႈထွၼ်ယၢမ်းလဵဝ် တီႈဝဵင်းမိူင်းပၼ်ႇ မီးၽူႈလၵ်ႉလိူင်ႇၼမ် ၊ ၸဝ်ႈသူၼ်လႄႈပလိၵ်ႈ တီႉၺွပ်းၵူၼ်းလၵ်ႉ ၽၵ်းမီႇၽိူၵ်ႇတီႈသူၼ်ဝၢၼ်ႈၼိူဝ် ဝဵင်းမိူင်းပၼ်ႇ။ ဝၼ်းတီႈ 09/03/2023 မိူဝ်ႈဝႃးယၢမ်းဝၢႆးဝၼ်း ၵူၼ်းဝၢၼ်ႈၵုင်းၵႅင်း ဢိူင်ႇၵုင်းၵႅင်း ဝဵင်းမိူင်းပၼ်ႇ ၶဝ်ႈလၵ်ႉထူၺ်ႈထွၼ်ၽၵ်းမီႇၽိူၵ်ႇၶွင်ၵူၼ်းမိူင်းပွၵ်ႇရႃႇၸႃႇ ။ ၸဝ်ႈသူၼ်ၽၵ်းမီႇၽိူၵ်ႇ ဢၼ်ၺႃးၽူႈလၵ်ႉၶဝ်ႈသူၼ်ၼၼ်ႉ လၢတ်ႈတီႈၽူႈတွႆႇႁွၵ်ႈဝႃႈ-“ၽူႈလၵ်ႉပဵၼ်ၸၢဝ်းမၢၼ်ႈ ယူႇဝၢၼ်ႈၵုင်းၵႅင်းဢေႃႈ။ ၸိုဝ်ႈမၼ်းႁွင်ႉဝႃႈ ဢူးတၢၼ်းဢေး ၶႃႈဝႃႇဢႃႇယုမီးမွၵ်ႈ 50 ပီၼႆႉဢေႃႈ။...