သိုၵ်းမၢၼ်ႈထၢၵ်ႈၵေႃႉၼိုင်ႈ မၼ်းလၢတ်ႈဝႃႈ မၼ်းပဵၼ်ၸဝ်ႈၶွင်ၵၢတ်ႇၼႆသေ ႁေႃႈလိုပ်ႈၵူၼ်းၶၢႆတၢင်းၶၢႆ ၼႂ်းၵၢင်ၵၢတ်ႇလူင်ၵေးသီး ။ မိူဝ်ႈဝၼ်းတီႈ 25/10/2023 ယၢမ်းၵၢင်ၼႂ် 8 မူင်း  သိုၵ်းထၢၵ်ႈၼၼ်ႉႁေႃႈလိုပ်ႈၵူၼ်းၶၢႆၶူဝ်းၼႂ်းၵၢတ်ႇ ၸိူဝ်းၶၢႆမႃး ပီယၢဝ်းၶၢဝ်းႁိုင် ၊ ၸမ်ၶၢဝ်းဢွၵ်ႇဝႃႇသႃ မႅၼ်ႈၽွင်းၵူၼ်းၵိုၼ်းသိုၵ်းမၢၼ်ႈသမ်ႉမႃးႁဵတ်းလွင်ႈသုၵ်ႉလႄႈ ၵူၼ်းမိူင်း ဢမ်ႇၸၢင်ႈသိုဝ်ႉၶၢႆလႆႈလွတ်ႈလႅဝ်း ။ ၼၢင်းယိင်းၵူၼ်းၶၢႆၶူဝ်းၼႂ်းၵၢတ်ႇဢၼ်ၺႃးလိုပ်ႈၼၼ်ႉလၢတ်ႈတီႈၽူႈတွႆႇႁွၵ်ႈဝႃႈ - “ တီႈၶႃႈၶၢႆၼႆႉ ပဵၼ်ဢွင်ႈတီႈမႄႈၸဝ်ႈၶႃႈ ၶၢႆမႃးႁိုင်ယဝ်ႉ။...