ၵႃးတၢင်ႇၵုၼ်ႇ၊ ရူတ်ႉၶိူင်ႈ လႄႈ ရူတ်ႉၵႃးၵူႈသႅၼ်းၸိူဝ်းလတ်းၵႂႃႇမႃးၼိူဝ်သဵၼ်ႈတၢင်း ဝဵင်းသႅၼ်ဝီ - ၵုၼ်လူင် မိူင်းတႆးပွတ်းႁွင်ႇၼႆႉ ၵႆႉပဵၼ်ၽေးၵိုင်ႉၵၢင်ႉသေ ပိၼ်ႈ၊ ၽႃႇၵၼ်ၸဵမ် ၸိူဝ်းၼႆႉ ၼႆယဝ်ႉ။ ရူတ်ႉၵႃးၸိူဝ်းၵႆႉပဵၼ်ၽေးၵိုင်ႉၵၢင်ႉၼႆႉ ၵမ်ႈၼမ်ပဵၼ်ၵႃးဢၼ်တေႃႉတၢင်ႇၶူဝ်းၵုၼ်ႇတၢင်းမိူင်းၶႄႇ ၶဝ်ႈမႃးတၢင်းမိူင်းတႆးပွတ်းႁွင်ႇ။ ၵူၼ်းမိူင်းၵေႃႉယူႇၼႂ်းပိုၼ်ႉတီႈ လၢတ်ႈၼႄဝႃႈ “ဢၼ်ၵႆႉပိၼ်ႈၼႆႉပဵၼ်ၵႃးလူင်ၸိူဝ်းသႂ်ႇမၢႆၶႄႇႁႄ ၶဝ်ႈမႃးၼၼ်ႉယဝ်ႉ။ ပေႃးပဵၼ်ၵႃးတၢင်ႇၵုၼ်ႇတၢင်းမိူင်းၶႄႇၼႆႉ ၵမ်ႈၼမ်ပဵၼ်သီလႅင်လၢႆလၢႆ။ ၶဝ်ဢမ်ႇထိင်း လႆႈတၢင်းဝႆးၶဝ်ၼၼ်ႉၼႃႇ။ ၵူၼ်းႁေႃႈမၼ်းၵေႃႈ လႅပ်ႈဢမ်ႇႁူႉလွင်ႈသဵၼ်ႈတၢင်းလီလီ။...