ၵူၼ်းမိူင်းမၢၼ်ႈတူင်ႈပဵင်း သွင်ၵေႃႉ မႃးၽုၵ်ႇယႃႈလႅင်တီႈမိူင်းတႆးပွတ်းၸၢၼ်းသေ ႁွင်ႉႁူၺ်းၵူၼ်းမိူင်း ပိုၼ်ႉတီႈ ႁႂ်ႈသႂ်ႇငိုၼ်းႁူမ်ႈလူင်းတိုၼ်းလၢင်းၸွမ်းယဝ်ႉ လွၵ်ႇလႅၼ်ဢဝ်ငိုၼ်းပိူၼ်ႈပၢႆႈ ၼပ်ႉႁူဝ်သႅၼ်သႅၼ်။ ၵူၼ်းဝဵင်းလိူဝ်ႇ ၸၢႆးၵေႃႉၼိုင်ႈလႄႈ ယိင်းၵေႃႉၼိုင်ႈ လုၵ်ႉဝဵင်းလိူဝ်ႇ(မၼ်းတလေး) မႃး မိူင်းတႆးပွတ်း ၸၢၼ်း မႃးၽုၵ်ႇယႃႈလႅင် (ဝႃႊၵျီႊၼီႊယႃႊ) တီႈၼႂ်းၸႄႈဝဵင်းၵုၼ်ႁဵင် ၸဵမ်မိူဝ်ႈႁၢင်ပီ 2024 (ပီၵၢႆ) ပူၼ်ႉမႃး။ ၸိူဝ်းၶဝ်ႁူၺ်းၵူၼ်းပိုၼ်ႉတီႈ ႁႂ်ႈႁူမ်ႈလူင်းတိုၼ်းလၢင်းၼႂ်းၵၢၼ်ၽုၵ်ႇသွမ်ႈ။ ၵူၼ်းမိူင်းၼႂ်းၸႄႈဝဵင်း...