တႃႇတိုၵ်းလိုပ်ႈ ၸုမ်းသိုၵ်းၵႅတ်ႇၶႄၵူၼ်းမိူင်း PDF ၼႆသေ ၶွင်ႇသီႇသိုၵ်းယိုတ်းမိူင်း ယွၼ်းႁႅင်းသိုၵ်းပျီႇတူႉၸိတ်ႉႁႂ်ႈမႃးၵမ်ႉၸွႆႈဝႃႈၼႆ။  ဝၼ်းတီႈ 7 /8/2021 တိူင်းသိုၵ်းဝၼ်းဢွၵ်ႇၵၢင် ယလၶ ဢၼ်ပၵ်းလုမ်းတီႈ ၶူဝ်လမ် ႁွင်ႉဢဝ်ၸုမ်းသိုၵ်းပျီႇတူႉၸိတ်ႉၼႂ်းပိုၼ်ႉတီႈသေ ၸီႉသင်ႇဝႃႈ ႁႂ်ႈသိုၵ်းပျီႇတူႉၸိတ်ႉ သူင်ႇႁႅင်းၵူၼ်းမႃးၸွႆႈသိုၵ်းမၢၼ်ႈ တႃႇတိုၵ်းလိုပ်ႈသိုၵ်းၵႅတ်ႇၶႄၵူၼ်းမိူင်း PDF (ဢၼ်ပႃးဢဵၼ်ႁႅင်းၵူၼ်းၼုမ်ႇသႅၼ်းႁုၼ်ႈမႂ်ႇ Gen.Z ၵမ်ႈၼမ် ၊တင်ႈၶိုၼ်ႈမႃးတႃႇတိုၵ်းၸဝ်ႈဢႃႇၼႃႇသိုၵ်းႁႂ်ႈပုတ်းပင်း)၊ ႁႂ်ႈသိုၵ်းပျီႇတူႉၸိတ်ႉၵူႈၸုမ်း သူင်ႇသဵၼ်ႈသၢႆမၢႆႁႅင်းၵူၼ်း...