ၸၢႆးသၢႆလိူၼ်သႂ် (တၢင်ႉယၢၼ်း) လႄႈၸၢႆးလၢဝ်လႅင်း (ပၢင်ႇဢူႈလူင်) ၸၢႆးၼုမ်ႇသွင်ၵေႃႉပၼ်ႇရူတ်ႉထိပ်ႇ လုၵ်ႉဢဝ်ၵႅၼ်ၵၢင်မိူင်းႁူမ်ႈတုမ်ႈလူင်းၵႂႃႇထိုင်ပၢႆၸၢၼ်းပႅၼ်ပႄႈသုတ်းၼၼ်ႉ တေႁူမ်ႈႁႅင်းပၼ်ႇရူတ်ႉထိပ်ႇၶိုၼ်ႈ လွႆတႆးလႅင်း တႃႇယုၵ်ႉယွင်ႈပၼ်ႁႅင်းၸႂ်ၽူႈႁၢပ်ႇၵၢၼ်ၸိူဝ်ႉၸၢတ်ႈ ။ ၸၢႆးသၢႆလိူၼ်သႂ် လၢတ်ႈတီႈၽူႈတွႆႇႁွၵ်ႈဝႃႈ-“ယိူင်းဢၢၼ်းလူင်ဢၼ်တေပၼ်ႇ ရူတ်ႉထိပ်ႇ ၶိုၼ်ႈလွႆ တႆးလႅင်း ၼႆႉတႄႉ ႁႂ်ႈၵၢၼ်ပၼ်ႇရူတ်ႉထိပ်ႇႁိူဝ်ႈႁိူင်း ၼႂ်းမိူင်းတႆးၼႆႉ ႁႂ်ႈမီးၵူၼ်းသူၼ်ၸႂ် ပၼ်ႇရူတ်ႉထိပ်ႇ မႃးၼမ်ၼမ်  ယဝ်ႉၵေႃႈ မၢႆတွင်းတႃႇယုၵ်ႉယွင်ႈ ၽူႈႁတ်းႁၢၼ် ၽူႈႁၢပ်ႇၵၢၼ်တႃႇ...