မိူဝ်ႈဝႃးဝၼ်းတီႈ 18/02/2026 ယၢမ်းၵၢင်ဝၼ်း သိုၵ်းၵဝ်ႈၵၢင်ႉ တင်း သိုၵ်းတဢၢင်း ၸိူဝ်းတူင်ႉၼိုင် ယူႇသဝ်းၼႂ်းဢိူင်ႇမိူင်းပႃး ၸႄႈဝဵင်းသႅၼ်ဝီ ပေႃႉထုပ်ႉႁႅမ်ၵၼ် တင်းသွင်ၾၢႆႇ မၢတ်ႇၸဵပ်းၵႂႃႇႁင်းၽႂ်မၼ်းတင်းၼမ်ယူႇဝႃႈၼႆ။ ဝၢႆးလင်သိုၵ်းၵဝ်ႈၵၢင်ႉ လိုပ်ႈလမ်း ႁွင်ႉဢဝ်ၵူၼ်းသိုၵ်းတဢၢင်း တၢင်ႇၵႃးၵႂႃႇဝႆႉတၢင်းထုင်ႉဢီႇၼၢႆးယဝ်ႉ ထႅင်ႈဝၼ်းၼိုင်ႈ ၵူၼ်းသိုၵ်း တဢၢင်းၶိုၼ်းႁွမ်ႁႅင်းသိုၵ်းသေၶိုၼ်ႈတၢင်း ထုင်ႉမိူင်းပႃးၸွမ်းသဵၼ်ႈတၢင်းထိူၼ်ႇ သေ ပေႃႉထုပ်ႉမင်ၵၼ်တင်းသိုၵ်းၵဝ်ႈၵၢင်ႉၼႆ ၵူၼ်းမိူင်းပိုၼ်ႉတီႈလၢတ်ႈ။ ၵူၼ်းမိူင်းၵေႃႉယူႇဝႆႉၼႂ်းဢိူင်ႇမိူင်းပႃး...