ၸူဝ်ႈသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်းမႃးၼႆႉ ငဝ်းလၢႆးၼႂ်းၵႄႈၵၢင် ၽူႈမီးၸၼ်ႉသိုၵ်းမၢၼ်ႈ တီႈၼေႇပျီႇတေႃႇၶဝ်ယၢမ်းလဵဝ် မိူၼ်ၵႂႃႇၶိုၼ်းမိူဝ်ႈ 15 ပီပူၼ်ႉမႃးၼၼ်ႉထႅင်ႈၵမ်းၼိုင်ႈယဝ်ႉၼႆ ၽႂ်တေဢမ်ႇၸၢင်ႈထဵင်ႈလႆႈ။ မိူဝ်ႈပၢင်လိူၵ်ႈတင်ႈ ပီ 2010 ပူၼ်ႉမႃးၼၼ်ႉ လွင်ႈဢၼ်ၼႂ်းတူင်ႇဝူင်း ၽူႈမီးၸၼ်ႉသိုၵ်းမၢၼ်ႈၶဝ် ၶႂ်ႈႁူႉ လိူဝ်ပိူၼ်ႈၼၼ်ႉၵေႃႈပဵၼ် ၽႂ်တေလႆႈယူႇၵိုတ်းဝႆႉတီႈၼႂ်းတပ်ႉသိုၵ်း လႄႈ ၽႂ်တေလႆႈၶဝ်ႈၶေႉၶဵင်ႇၼႂ်းပၢင် လိူၵ်ႈတင်ႈ ၼႆယဝ်ႉ။ ယၢမ်းလဵဝ်ၵေႃႈ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ တႄႇယွၼ်းသဵၼ်ႈမၢႆ ၽူႈမီးၸၼ်ႉ...