တူဝ်တႅၼ်းၶိုၵ်ႉတွၼ်းၸၢတ်ႈၸိုင်ႈလုမ်ႈၾႃႉ ၵဵဝ်ႇလူၺ်ႈသုၼ်ႇလႆႈၵူၼ်းမိူင်းမၢၼ်ႈလၢတ်ႈတီႈသိုဝ်ႇၶၢဝ်ႇ DVBဝႃႈ ပၢင်လိူၵ်ႈတင်ႈဢၼ်သိုၵ်းမၢၼ်ႈဢွၼ်ၼမ်းၸတ်းႁဵတ်းၼႆႉ ပဵၼ်ပၢင်လိူၵ်ႈတင်ႈဢၼ်ပွမ် ၊ သိုၵ်းမၢၼ်ႈႁၢင်ႈႁႅၼ်းႁဵတ်းဝႆႉတႃႇၶဝ်ဢွင်ႇပေႉလူၼ်ႉႁိုၵ်းလူၼ်ႉၾင်ႇလႄႈ လုမ်ႈၾႃႉဢမ်ႇထုၵ်ႇလီယွမ်းႁပ်ႉ ဝႃႈၼႆ။ တူဝ်တႅၼ်းၶိုၵ်ႉတွၼ်းၸၢတ်ႈၸိုင်ႈလုမ်ႈၾႃႉ တွမ်ႊ ဢႅၼ်ႊၻရူႊ လၢတ်ႈၵႂႃႇမိူဝ်ႈဝၼ်းတီႈ 23/01/2026 ဝႃႈ ပၢင်လိူၵ်ႈတင်ႈၵမ်းၼႆႉ သိုၵ်းမၢၼ်ႈလႄႈပႃႇတီႇဢၼ်ၸမ်ၸႂ်ဢူၺ်းလီၵၼ်တင်းၶဝ်ၵူၺ်းႁဵတ်းတႃႇႁႂ်ႈဢွင်ႇပေႉပၢင်လိူၵ်ႈတင်ႈဝႆႉယဝ်ႉ။ ဢၼ်ပဵၼ်ၸုမ်းတူင်ႉၼိုင်တႃႇ ၻီႊမူဝ်ႊၶရေႊသီႊလႄႈ လူင်ပွင်ၸိုင်ႈၵူၼ်းမိူင်း ဢၼ်ၼၢင်းဢွင်ႇသၢၼ်းၸုၵျီႇဢွၼ်ႁူဝ်ၼၼ်ႉတႄႉ သိုၵ်းမၢၼ်ႈ တီႉၺွပ်းယဵတ်ႈၶွၵ်ႈသေ ယိုတ်းဢဝ်ဢႃႇၼႃႇၸိုင်ႈမိူင်း လူၺ်ႈၵူၼ်းမိူင်းဢမ်ႇတဵမ်ၸႂ် ယွမ်းႁပ်ႉ...