ဝၢၼ်ႈမိူင်းယုင်ႈယွၼ်ႉၵၢၼ်မိူင်းၵၢၼ်သိုၵ်းဢမ်ႇၼိမ် ပၢႆးမၢၵ်ႈမီးၸိုင်ႈမိူင်းတူၵ်းလုၵ်းတူၵ်းလဝ် ။ ၵၢၼ်ႁႃၵိၼ်လဵင်ႉတွင်ႉၵူၼ်းမိူင်း ဢၼ်ယၢမ်ႈငၢႆႈလူမ်ၵေႃႈ ယပ်ႇယဵၼ်းမႃးလိူဝ်ၵဝ်ႇလၢႆပုၼ်ႈ ။ သိုၵ်းမၢၼ်ႈဢၼ်ၽွတ်ႈလူင်ပွင်ၸိုင်ႈႁင်းၵူၺ်းသေၵုမ်းမိူင်းယူႇၼႆႉၵေႃႈ ႁဵတ်းသင်ၵေႃႈ ဢမ်ႇၶဝ်ႈတီႈၶဝ်ႈတၢင်း ။ ယိင်ႈယူႇယိင်ႈႁဵတ်းႁႂ်ႈၵူၼ်းမိူင်းလႆႈတုၵ်ႉလႆႈယၢၵ်ႈ ။ မိူၼ်ထုင်ႉပူင်း ၼႂ်းမိူင်းတႆးပွတ်းၸၢၼ်းၼႆႉ ၵူၼ်းပိုၼ်ႉတီႈ ယၢမ်ႈၽုၵ်ႇၶဝ်ႈၵုမ်ႇထူၼ်ႈတႃႇလဵင်ႉလူၼႂ်းၼႃႈႁိူၼ်းၵူၺ်းဢမ်ႇၵႃး သူင်ႇၶၢႆတူဝ်ႈထိုင်မိူင်းတႆးမိူင်းမၢၼ်ႈလႆႈလူးၵွၼ်ႇ ။ ဢမ်ႇတွၼ်ႉလႆႈမႆႈၸႂ်မႃး ။ ဝၢႆး သိုၵ်းမၢၼ်ႈယိုတ်းမိူင်းၼႆႉတႄႉ တႃႇလူင်းတိုၼ်းၽုၵ်ႇၶဝ်ႈၵူၺ်းၵေႃႈၵိၼ်းၸႂ် ယွၼ်ႉၶၼ်ၶိူင်ႈၸႂ်ႉၶူဝ်းသွႆၼႂ်းၵၢၼ်ၽုၵ်ႇသွမ်ႈၶၼ်သုင်မႃးၵူႈဢၼ်...