မိူဝ်ႈဝႃး ဝၼ်းတီႈ 22 လိူၼ်မၢတ်ႉၶျ် ၸုမ်းၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး (SHRF) ပိုၼ်ၽၢဝ်ႇဢွၵ်ႇ လွင်ႈမႄႈၼမ်ႉၵူၵ်း ၺႃးငူၼ်ႉၵွင်ႉ ႁၢဝ်ႈႁႅင်းမႃးလိူဝ်ႇၵဝ်ႇ ၼႆႉပဵၼ်ယွၼ်ႉ ႁူင်း ၸၢၵ်ႈၾႆးၾႃႉ ၸႂ်ႉထၢၼ်ႇႁိၼ်ဢၼ်ၸုမ်းသိုၵ်းဝႃႉ ပဵၼ်ၸဝ်ႈၶွင်ဝႆႉ ၼႂ်းဝဵင်းမိူင်းသၢတ်ႇ မိူင်းတႆးပွတ်းဢွၵ်ႇ ဝႃႈၼႆ။ ႁူင်းၾႆးၾႃႉၽဝ်ထၢၼ်ႇႁိၼ် ဢၼ်ၵေႃႇသၢင်ႈၶိုၼ်ႈမႃးမႂ်ႇၼႆႉ မီးဝႆႉၾၢႆႇၸၢၼ်းဝဵင်းမိူင်းသၢတ်ႇ တိတ်းၸပ်း ၵၼ်ဝႆႉတင်း လႅၼ်လိၼ်တႆး-ထႆး ႁၢင်ႇၵႆၵၼ်တင်း...