UWSP

ဝၼ်းတီႈ 20/12/2023 မႅၼ်ႈဝၼ်းၶွတ်ႇၽွတ်ႈပႃႇတီႇမိူင်းဝႃႉၽွမ်ႉႁူမ်ႈ UWSP ၶွပ်ႈတဵမ် 35 ပီ၊ ၸတ်းႁဵတ်းပၢင်ၵႅဝ်ႈမၢႆတွင်းတီႈဝဵင်းပၢင်ႇၶမ်း။ ၽူႈမီးပုၼ်ႈၽွၼ်းၼႂ်းပႃႇတီႇ၊ ၽူႈၶဝ်ႈၶွမ်ႇမတီႇ၊ ၽူႈမီးၸၼ်ႉၼႂ်းတပ်ႉသိုၵ်းလႄႈ လုၵ်ႈတပ်ႉၶဝ်ႈႁူမ်ႈတင်းၼမ်။ UWSP ၼႆႉလူင်းလၢႆးမိုဝ်းၵိုတ်းတိုၵ်းၸၼ်ႉၸႄႈမိူင်းတင်းၸုမ်းသိုၵ်းမၢၼ်ႈဝႆႉ၊ လိူဝ်ၼၼ်ႉ တုၵ်းယွၼ်းပႃးလုၵ်ႉတီႈ ၼႃႈလိၼ်ၽွင်းငမ်းတူဝ်ၵဝ်ႇသေ ႁႂ်ႈမၵ်းမၼ်ႈပၼ်ပဵၼ် ၸႄႈမိူင်းဝႃႉ ၼႆဝႆႉ။ လွင်ႈၼႆႉသိုၵ်းမၢၼ်ႈၵေႃႈ ယၢမ်ႈတွပ်ႈဝႆႉဝႃႈ တူၵ်းလူင်းဝႆႉၸွမ်းပိူင်ယုၵ်းယၢင်ႇၶေႃႈတုၵ်းယွၼ်းဝႆႉ။

ပႃႇတီႇဝႃႉၽွမ်ႉႁူမ်ႈ UWSP ႁူပ်ႉထူပ်းၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇသေလၢတ်ႈဝႃႈ ဝႃႉတေဢမ်ႇၽၢတ်ႇဢွၵ်ႇမိူင်းႁူမ်ႈတုမ်၊ ႁႂ်ႈလႆႈတင်ႈၸႄႈမိူင်းဝႃႉ  ဢၼ်မီးလွင်ႈၽွင်းငမ်းတူဝ်ၵဝ်ႇ၊ လွင်ႈၼႆႉသိုၵ်းမၢၼ်ႈႁၼ်လီၸွမ်း - ဝႃႈၼႆ။ ဝၼ်းတီႈ 30/5/2022 ၵႅမ်ႁူဝ်ပဝ်ႈ UWSP ဢူးလေႃႇယႃႇၵု ဢွၼ်ႁူဝ် လုၵ်ႈၸုမ်းၵႂႃႇႁူပ်ႉထူပ်းၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇတီႈၼေႇပျီႇတေႃႇ ။ ႁွင်ႈၵၢၼ်ၶၢဝ်ႇ UWSP ပိုၼ်ၽၢဝ်ႇဝႆႉဝႃႈ - ၵႅမ်ႁူဝ်ပဝ်ႈ UWSP လၢတ်ႈၽွင်းႁူပ်ႉထူပ်းမိၼ်းဢွင်ႇလၢႆႇဝႃႈ- ႁႂ်ႈပၼ်ဝႃႉတင်ႈၸႄႈမိူင်းႁင်းၶေႃ၊ ၼွၵ်ႈလိူဝ်ၵၢၼ်ၵႅတ်ႇၶႄၸိုင်ႈမိူင်းလႄႈ...