ၵူၼ်းမိူင်းႁူမ်ႈတုမ်မၢၼ်ႈ ၸိူဝ်းယိပ်းဝႆႉ ဝႂ်ႁဵတ်းၵၢၼ်ၼွၵ်ႈမိူင်း OWIC ၼၼ်ႉ သင်တေဢွၵ်ႇၼွၵ်ႈမိူင်း တိုၼ်းတေလႆႈပႃးဝႂ်ႁပ်ႉႁွင်း ႁွင်ႈၵၢၼ်ၾၢႆႇႁႅင်းၵၢၼ်သိုၵ်းမၢၼ်ႈ ၸင်ႇတေလႆႈသုၼ်ႇ ဢွၵ်ႇတီႈၶူင်ႇႁိူဝ်းမိၼ်တႃႈၵုင်ႈ ဝႃႈၼႆ။ ၵဵဝ်ႇၵပ်းလွင်ႈႁႅင်းၵၢၼ် ဢွၵ်ႇၵႂႃႇႁဵတ်းၵၢၼ်ၼွၵ်ႈမိူင်းသေ ပူၼ်ႉမႃး ဝၼ်းတီႈ 11 လိူၼ်ထူၼ်ႈၼိုင်ႈ ႁွင်ႈၵၢၼ်ၾၢႆႇႁႅင်းၵၢၼ်သိုၵ်းမၢၼ်ႈ ပိုၼ်ၽၢဝ်ႇဢွၵ်ႇမႃး မၢႆမီႈပၵ်းပိူင်မႂ်ႇ ၼင်ႇ ၼႆ။ ၵူၼ်းယိပ်းဝႆႉ ဝႂ်ႁဵတ်းၵၢၼ်ၼွၵ်ႈမိူင်း OWIC ၼၼ်ႉ...