ၵူၼ်းမိူင်းၶႄႇတင်း ႁႅင်းၵၢၼ်မိူင်းမၢၼ်ႈ ၸိူဝ်းယူႇသဝ်း ၼႂ်းဝဵင်းသူၺ်ႇၵူၵ်ႉၵူဝ်ႇ ၸႄႈဝဵင်းမျႃႉဝတီႇ ၸႄႈမိူင်းယၢင်း ၽိူၵ်ႇ ဢွၼ်ၵၼ်တိတ်းၸပ်း တၢင်းပဵၼ်တွင်ႉႁေႈတွင်ႉၵႂႃႇ (Norovirus) ၼမ် ၵူၼ်းပဵၼ်ၵမ်ႈၽွင်ႈ လႆႈသူင်ႇယူတ်းယႃတူဝ်ဝႆႉ တီႈႁူင်းယႃမႄႈသွတ်ႇ ၸႄႈတွၼ်ႈတၢၵ်ႇ ၾင်ႇမိူင်းထႆး ဝႃႈၼႆ။ ၵူၼ်းၸိူဝ်းတိတ်းၸပ်း တၢင်းပဵၼ်တွင်ႉႁေႈတွင်ႉၵႂႃႇ တီႈသူၺ်ႇၵူၵ်ႉၵူဝ်ႇ မီးၼပ်ႉႁူဝ်ပၢၵ်ႇ ၽွင်းၵႂႃႇယူတ်း ယႃတူဝ်သေ လူႉတၢႆတီႈမႄႈသွတ်ႇ မီး...