TAG
LNDP
တူဝ်တႅၼ်းပႃႇတီႇၼူၵ်ႉယုင်း NLD ႁူပ်ႉထူပ်းပႃႇတီႇတႆး လႄႈ ပႃႇတီႇဝႃႉ ၊လႃးႁူႇ
ဝၼ်းတီႈ 15 လိူၼ်ၵျၼ်ႊၼိဝ်ႊရီႊၼႆႉ ပႃႇတီႇၼူၵ်ႉယုင်းဢၼ်ႁွတ်ႈထိုင်ဝႆႉတီႈဝဵင်းလူင်တူၼ်ႈတီး မိူင်းတႆးၼႆႉ ႁူပ်ႉထူပ်းတင်းပႃႇတီႇတႆး 2 ပႃႇတီႇလႄႈတင်းပႃႇတီႇဝႃႉ ပႃႇတီႇလႃးႁူႇ တီႈလုမ်းပႃႇတီႇၼူၵ်ႉယုင်း ဝဵင်းတူၼ်ႈတီး။ ပႃႇတီႇသိူဝ်ၽိူၵ်ႇ SNDP တႄႉ ပဵၼ် ၸၢႆးၼွင်ႉ ၽူႈတႅၼ်းၽွင်းမိူင်းပၼ်ႇ ဢၼ်ဢွင်ႇပေႉပၢင်လိူၵ်ႈတင်ႈထႅင်ႈမိူဝ်ႈပီ 2020 ၼႆႉဢွၼ်ႁူဝ်ၸုမ်းပွင်ၵၢၼ်ၶဝ်ႈႁူမ်ႈဢုပ်ႇၵုမ် ၵဵဝ်ႇလူၺ်ႈလွင်ႈပၢႆးပၺ်ႇၺႃႇ။ ဝၢႆးလင်ပၢင်ႁူပ်ႉထူပ်းယဝ်ႉ ၸၢႆးၼွင်ႉ လၢတ်ႈဝႃႈ -“ဢၼ်ၶႃႈႁဝ်းလႆႈဢုပ်ႇလၢတ်ႈၵႂႃႇတႄႉတေႁဵတ်းႁိုဝ်ႁူမ်ႈၵၼ်တင်းပႃႇတီႇၼူၵ်ႉယုင်း...