ဝၼ်းတီႈ 24 /07/2025 ဝၼ်းၽတ်း ယၢမ်းၵၢင်ၼႂ် သဵင်ၵွင်ႈလူင်တႅၵ်ႇတီႈလႅၼ်လိၼ်ထႆး-ၵမ်ႊပေႃႊတီႊယိူဝ်ႊ၊ ၾၢႆႇၵမ်ႊပေႃႊတီႊယိူဝ်ႊ ယိုဝ်းၵွင်ႈလူင် မႃးတူၵ်းတႅၵ်ႇၼႂ်းပႃႇထိူၼ်ႇ ႁိမ်းႁေႃၵဝ်ႇ တႃႈမိူၼ်းထူမ်ႊ သိုဝ်ႇၶၢဝ်ႇထႆး ႁၢႆးငၢၼ်းဝႆႉၼင်ႇၼႆ။ ဢိင်ၼိူဝ်သွင်ၸိုင်ႈမိူင်း ဢုပ်ႇဢူဝ်းၵႄႈလိတ်ႈလွင်ႈပၼ်ႁႃလႅၼ်လိၼ်ၵၼ်ဢမ်ႇလႆႈလႄႈ သွင်ၾၢႆႇထႅမ်ႁႅင်းသိုၵ်း ၶဵင်ႈၶႅင်တေႃႇၵၼ်ႁၢဝ်ႈႁႅင်းမႃးၼႂ်းဝူင်ႈၼႆႉတင်းဝူင်ႈယဝ်ႉ။ တပ်ႉပႂ်ႉလႅၼ်လိၼ်မိူင်းထႆးလၢတ်ႈဝႃႈ မိူဝ်ႈၼႆႉယၢမ်းၵၢင်ၼႂ်ၸဝ်ႉ ၵမ်ႊပေႃႊတီႊယိူဝ်ႊပွႆႇၶိူင်ႈၻရူၼ်ႊၶၢမ်ႈလႅၼ်လိၼ်မႃးတၢင်းမိူင်းထႆး။ ၵူၺ်းၵႃႈၻရူၼ်ႊၼၼ်ႉမီးသဵင်ၵူၺ်း ဢမ်ႇႁၼ်တူဝ်လႄႈဢမ်ႇၸၢင်ႈၽဵဝ်ႈ။ ထိုင်မႃးၶၢဝ်းယၢမ်း 8 မူင်း 20...