မိူဝ်ႈဝၼ်းတီႈ 24/6/2026 Dark Web Informer ၽူႈပၵ်းတႃပႂ်ႉတူၺ်းလွၵ်းၵၢတ်ႇတႂ်ႈလိၼ်ၶွင် Dark Web တႅမ်ႈတၢင်ႇၼိူဝ်သိုဝ်ႇတူင်ႇဝူင်းၵူၼ်း X သုၼ်ႇတူဝ်မၼ်းဝႆႉဝႃႈ ၸုမ်းႁႅၵ်ႊၵႃႊ Lapsus$ လၵ်ႉဢဝ်ၶေႃႈမုၼ်းသုၼ်ႇတူဝ် ၵူၼ်းၸိူဝ်းၸႂ်ႉတိုဝ်းယေးငိုၼ်း AYA သေ လွၵ်ႇငိုတ်ႈယွၼ်းငိုၼ်းတီႈၽူႈမီးပုၼ်ႈၽွၼ်းယေးငိုၼ်း ဝႃႈၼႆ။ ၵူၼ်းၵေႃႉၸမ်ၸႂ်ၵၼ်တင်း ၽူႈမီးၸၼ်ႉၼႂ်းယေးငိုၼ်း AYA ၵေႃႉၼိုင်ႈၵေႃႈ ယိုၼ်ယၼ်လၢတ်ႈတီႈသိုဝ်ႇၶၢဝ်ႇဝႆႉဝႃႈ “လွင်ႈၸုမ်းႁႅၵ်ႊၵႃႊလွၵ်ႇငိုတ်ႈမႃးၼၼ်ႉ...