ၼႂ်းဝၢၼ်ႈမိူင်း ၸိူဝ်းမီးၵူၼ်းလူႉတၢႆၼမ် ယွၼ်ႉပၼ်ႁႃပတိၵ်ႈၶၢတ်ႈ ဢၼ်ပဵၼ်ယူႇတူဝ်ႈလုမ်ႈၾႃႉၼၼ်ႉ မိူင်းမၢၼ်ႈ ပဵၼ်ဝႆႉမၢႆ 4 ၼႆ - ၸုမ်းၾၢႆႇၵဵပ်းၶေႃႈမုလ်း လွင်ႈမၢႆတွင်း ဢွင်ႈတီႈမီးပၼ်ႁႃပတိၵ်ႈၶၢတ်ႈ The Armed Conflict Location & Event Data Project (ACLED) ႁၢႆးငၢၼ်းဝႆႉၼင်ႇၼႆ။ ACLED လၢတ်ႈဝႃႈ -...

ၸုမ်း ACLED ၶူင်းၵၢၼ်ၵဵပ်းၶေႃႈမုလ်းလႄႈ ပိုၼ်ႈတီႈပၼ်ႁႃ ၸုမ်းယိပ်းၵွင်ႈၵၢင်ႇ ၵဵပ်းၶေႃႈမုလ်းသေ ပိုၼ်ၽၢဝ်ႇဝႆႉဝႃႈ ၼႂ်းၶၢဝ်းတၢင်း 6 လိူၼ် ပီ 2024 ၼႆႉ မိူင်းမၢၼ်ႈ ပဵၼ်မိူင်းဢၼ်မီးပၼ်ႁႃပတိၵ်ႈၶၢတ်ႈ ၼမ်သုတ်းၼႂ်းလုမ်ႈၾႃႉ ဝႃႈၼႆ။ ၵၢၼ်ၵဵပ်းၶေႃႈမုလ်းဢၼ်ၼႆႉ တေဢိင်ၼိူဝ်ႁူဝ်ၼပ်ႉ ပိုၼ်ႈတီႈပၼ်ႁႃၼမ်သုတ်း၊ ဢၼ်မီးၽေးတေႃႇ ၵူၼ်းမိူင်းၼမ်သုတ်း၊ ၵူၼ်းမိူင်း တၢႆၼမ်သုတ်း၊ ပၼ်ႁႃလၢမ်းၽႄႈဝႆးသုတ်း...