ယူႇယူႇၵေႃႈၶဝ်ႈမႃးထိုင် 78 ပီယဝ်ႉ ပဵၵ်ႉသမ်ႉၶတ်းၸႂ်မႃးၵူႈႁူးၵူႈတၢင်းၵေႃႈ ယင်းတိုၵ်ႉလႅဝ်လူၼ်ႈလူၼ်ႈ မိူၼ်ၶီႈၵႂၢႆးပၢႆႈၼမ်ႉ လူမ်ႉလုၵ်ႉ ၶုပ်ႉၵၢၼ်း ယႃႇဝႃႈတေၶဝ်ႈၸူးၸမ်တီႈမုင်ႈဢၢၼ်း ယိင်ႈၶႅၼ်းယၢင်ႇႁိူၼ် မိုတ်းမိုတ်ႈမူဝ်းတၼ် ႁဵတ်းႁႂ်ႈၵူၼ်းမိူင်းၸိူဝ်းမုင်ႈမွင်းလႄႈ မီးၸႂ်ႁၢဝ်ႈႁၢၼ်ၶႅင်ၵႅၼ်ႇၵေႃႈ ယိင်ႈယူႇယိင်ႈဢူၼ်ႈဢွၼ်ႇ ယွၼ်ႇယၢၼ်း ၸႂ်တူၵ်းၸႂ်ႁူင်ႈ မူတ်းသဵင်ႈတီႈၸႂ်ယႂ်ႇၸႂ်ၵႂ်ႈ တႃႇတေႁဵတ်း ႁႃၵိၼ် ယူႇၸိုၼ်ႈမၢၵ်ႈမီးလီပဵၼ် ၵတ်းယဵၼ်ႁိၼ်ႉၼွၼ်းလူၺ်ႈမီးလွင်ႈထၢင်ႇႁၢင်ႈလွတ်ႈလႅဝ်းၼၼ်ႉ ပဵၼ်ၵၢၼ်ႁၢင်ႉၵၢတ်ႈၵွၺ်းပႆႇပေႃး ပၢႆသမ်ႉတုၵ်ႉယၢၵ်ႈ ၵွတ်းၽၢၼ်...